Ўзбекистонлик қорилар Эронда ўтказилган 34-Халқаро Қуръони карим мусобақасида иштирок этишди

19-26 апрель кунлари Эрон Ислом Республикасининг пойтахти Теҳрон шаҳрида ўтказилган 34-Халқаро Қуръони карим мусобақасида 2 нафар ўзбекистонлик қорилар – Тошкент шаҳар, Учтепа туманидаги “Абу Ҳурайра” жоме масжиди имом-ноиби Худойқул Саидов ҳамда Тошкент шаҳар, Учтепа туманидаги “Азиз ота” жоме масжиди имом-ноиби Муҳаммадлоиқ Аминов иштирок этишди.

Ушбу мусобақада дунёнинг 80 дан ортиқ давлатларидан ташриф буюрган қорилар иштирок этди. Худойқул Саидов Қуръони каримни тўлиқ ёддан ўқиб бериш (ҳифз) йўналиши бўйича, Муҳаммадлоиқ Аминов Каломуллоҳни тажвид қоидаси билан ўқиб бериш (қироат) йўналишида қатнашди.

Мусобақанинг ҳифз йўналишида 1-ўринни Эрон, 2-ўринни Сурия, 3-ўринни Судан давлати вакиллари, қироат йўналишида 1-ўринни Эрон, 2-ўринни Ироқ, 3-ўринни Швециялик қорилар эгаллашди.

Мусобақа ҳайъати томонидан юртимиз вакилларига муносиб иштироки тўғрисидаги “Ташаккурнома” тақдим этилди.

Шунингдек, ўрта мактаб ўқувчилари, аёл-қизлар ва кўзи ожизлар иштирокида ҳам халқаро Қуръони карим мусобақаси бўлиб ўтди. Барча иштирокчилар учун Теҳрон шаҳридаги диққатга сазовор жойларга зиёрат уюштирилди.

19-26 aprel kunlari Eron Islom Respublikasining poytaxti Tehron shahrida o‘tkazilgan 34-Xalqaro Qur’oni karim musobaqasida 2 nafar o‘zbekistonlik qorilar – Toshkent shahar, Uchtepa tumanidagi “Abu Hurayra” jome masjidi imom-noibi Xudoyqul Saidov hamda Toshkent shahar, Uchtepa tumanidagi “Aziz ota” jome masjidi imom-noibi Muhammadloiq Aminov ishtirok etishdi.

Ushbu musobaqada dunyoning 80 dan ortiq davlatlaridan tashrif buyurgan qorilar ishtirok etdi. Xudoyqul Saidov Qur’oni karimni to‘liq yoddan o‘qib berish (hifz) yo‘nalishi bo‘yicha, Muhammadloiq Aminov Kalomullohni tajvid qoidasi bilan o‘qib berish (qiroat) yo‘nalishida qatnashdi.

Musobaqaning hifz yo‘nalishida 1-o‘rinni Eron, 2-o‘rinni Suriya, 3-o‘rinni Sudan davlati vakillari, qiroat yo‘nalishida 1-o‘rinni Eron, 2-o‘rinni Iroq, 3-o‘rinni Shvetsiyalik qorilar egallashdi.

Musobaqa hay’ati tomonidan yurtimiz vakillariga munosib ishtiroki to‘g‘risidagi “Tashakkurnoma” taqdim etildi.

Shuningdek, o‘rta maktab o‘quvchilari, ayol-qizlar va ko‘zi ojizlar ishtirokida ham xalqaro Qur’oni karim musobaqasi bo‘lib o‘tdi. Barcha ishtirokchilar uchun Tehron shahridagi diqqatga sazovor joylarga ziyorat uyushtirildi.

• Олдинги
• Кейинги