Олмазор туманидаги “Имом ат-Термизий” жоме масжиди қайта қурилади

Ўзбекистон Республикаси Президенти Шавкат Мирзиёев пойтахтимизда амалга оширилаётган бунёдкорлик ишлари, ижтимоий-иқтисодий лойиҳалар билан танишиш, халқ билан мулоқот қилиш мақсадида 21 апрель куни Тошкент шаҳрининг Олмазор туманида бўлиб, “Имом ат-Термизий” жоме масжидига ҳам ташриф буюриб, уламолар ва нуронийлар билан суҳбатлашди.

Шавкат Мирзиёев буюк аллома бобомиз номидаги “Имом ат-Термизий” жоме масжидини тубдан қайта қуриш, атрофларини гўзал масканга айлантириш юзасидан муҳим кўрсатма ва топшириқлар берди.

Шу муносабат билан 22 апрель куни ушбу масжидда мутасадди ташкилотлар раҳбарлари, уламолар ва нуроний отахонлар иштирокида тадбир ўтказилди, эҳсон дастурхони ёзилди. Муқаддам ушбу масжидда хизмат қилиб ўтган Яҳё қори, Салоҳиддин Муҳиддин каби уламолар хотирланди. Қуръони карим тиловат қилинди.

Тадбирда нутқ сўзлаган Ўзбекистон мусулмонлари идораси раиси, муфтий Усмонхон Алимов ҳазратлари қайта қурилиши бошланаётган ушбу жоме масжид мўмин-мусулмонларга узоқ йиллар давомида хизмат кўрсатадиган муборак масканга айланишини, халқимиз фаровонлиги, динимиз равнақини, мамлакатимиз ривожини сўраб, дуо қилдилар.

O‘zbekiston Respublikasi Prezidenti Shavkat Mirziyoyev poytaxtimizda amalga oshirilayotgan bunyodkorlik ishlari, ijtimoiy-iqtisodiy loyihalar bilan tanishish, xalq bilan muloqot qilish maqsadida 21 aprel kuni Toshkent shahrining Olmazor tumanida bo‘lib, “Imom at-Termiziy” jome masjidiga ham tashrif buyurib, ulamolar va nuroniylar bilan suhbatlashdi.

Shavkat Mirziyoev buyuk alloma bobomiz nomidagi “Imom at-Termiziy” jome masjidini tubdan qayta qurish, atroflarini go‘zal maskanga aylantirish yuzasidan muhim ko‘rsatma va topshiriqlar berdi.

Shu munosabat bilan 22 aprel kuni ushbu masjidda mutasaddi tashkilotlar rahbarlari, ulamolar va nuroniy otaxonlar ishtirokida tadbir o‘tkazildi, ehson dasturxoni yozildi. Muqaddam ushbu masjidda xizmat qilib o‘tgan Yahyo qori, Salohiddin Muhiddin kabi ulamolar xotirlandi. Qur’oni karim tilovat qilindi.

Tadbirda nutq so‘zlagan O‘zbekiston musulmonlari idorasi raisi, muftiy Usmonxon Alimov hazratlari qayta qurilishi boshlanayotgan ushbu jome masjid mo‘min-musulmonlarga uzoq yillar davomida xizmat ko‘rsatadigan muborak maskanga aylanishini, xalqimiz farovonligi, dinimiz ravnaqini, mamlakatimiz rivojini so‘rab, duo qildilar.

• Олдинги
• Кейинги