Термизлик алломаларнинг 14 та китоби нашр этилди

Рукн: Янгиликлар Чоп этилган: 29.03.2017

Ислом дини ривожига улкан ҳисса қўшган буюк аллома, ватандошимиз Абу Исо ат-Термизий (Имом Термизий) ва термизий алломаларнинг беназир меросини илмий асосда чуқур ўрганиш ва уларнинг номларини абадийлаштириш мақсадида Ўзбекистон Республикаси Президентининг 2017 йил 14 февралда “Имом Термизий халқаро илмий-тадқиқот марказини ташкил этиш чора-тадбирлари тўғрисида”ги қарорига мувофиқ, илмий-амалий ишлар бошланди.

Дин ишлари бўйича қўмита, Тошкент ислом университети, Ўзбекистон Фанлар академияси ҳузуридаги Шарқшунослик институти, Ўзбекистон мусулмонлари идораси, Тошкент ислом институти олимлари, тадқиқотчилари ва мутахассислари томонидан маънавий-ахлоқий тарбия ишларида фойдаланиш, аждодларимизнинг маънавий меъросини чуқур ўрганиш ва улардаги эзгу ғоя ва таълимотларни кенг халқ оммасига етказиш ва шу асосда ёшларда соғлом дунёқарашни кучайтириш, уларни қадриятларга содиқлик руҳида тарбиялашга қаратилган  14 номланишдаги адабиётлар  ҳозирга қадар тадқиқ этилди ва чоп этилди, дея хабар беради religions.uz сайти.

1. Шамоили Муҳаммадия.
2. Сунани Термизий (1-жилд).
3. Сунани Термизий (2-жилд).
4. Буюк Термизийлар.
5. Имом Абу Исо Муҳаммад Термизий.
6. Манозилул ибод минал ибода (Мўминларнинг ибодатдаги даражалари).
7. Ҳаж ва унинг сирлари.
8. Китабул илал (Ҳадис иллатлари ҳақида).
9. Маърифатул асрор (Сирлар маърифати).
10. Ал-акёс вал муғтаррун (Оқиллар ва алданганлар).
11. Икки улуғ донишманд.
12. Ҳаким Термизий асарларидан сайланма. Наводирул усул (Нодир асослар), Ал-амсол минал Китаб вас сунна (Қуръон ва суннатдаги мисоллар), Масоил аҳли Сарахс (Сарахс аҳли саволларига жавоблар), Ал-Масаоилул макнуна (Яширин масалалар), Баёнул фарқ (Фарқлар баёни), Илмул авлиё (Авлиёлар илми).
13. Дастур ал-мулук.
14. Муҳаммад Ҳаким Термизий рисолалари. Будувву шаън Абу Абдуллоҳ Термизий (Ҳаким Термизий йўлининг бошланиши), Адабун нафс (Нафс одоби), Риёзатун нафс (Нафс риёзати), Баёнул касб (Касб-тирикчилик баёни).

Шунингдек ижодий гуруҳ томонидан зарур дарсликлар ва ўқув қўлланмалари, оммабоп нашрлар, илмий-амалий тавсиялар тайёрлаш ишлари доимий олиб борилмоқда.

Islom dini rivojiga ulkan hissa qo‘shgan buyuk alloma, vatandoshimiz Abu Iso at-Termiziy (Imom Termiziy) va termiziy allomalarning benazir merosini ilmiy asosda chuqur o‘rganish va ularning nomlarini abadiylashtirish maqsadida O‘zbekiston Respublikasi Prezidentining 2017 yil 14 fevralda “Imom Termiziy xalqaro ilmiy-tadqiqot markazini tashkil etish chora-tadbirlari to‘g‘risida”gi qaroriga muvofiq, ilmiy-amaliy ishlar boshlandi.

Din ishlari bo‘yicha qo‘mita, Toshkent islom universiteti, O‘zbekiston Fanlar akademiyasi huzuridagi Sharqshunoslik instituti, O‘zbekiston musulmonlari idorasi, Toshkent islom instituti olimlari, tadqiqotchilari va mutaxassislari tomonidan ma’naviy-axloqiy tarbiya ishlarida foydalanish, ajdodlarimizning ma’naviy me’rosini chuqur o‘rganish va ulardagi ezgu g‘oya va ta’limotlarni keng xalq ommasiga yetkazish va shu asosda yoshlarda sog‘lom dunyoqarashni kuchaytirish, ularni qadriyatlarga sodiqlik ruhida tarbiyalashga qaratilgan  14 nomlanishdagi adabiyotlar  hozirga qadar tadqiq etildi va chop etildi, deya xabar beradi religions.uz sayti.

1. Shamoili Muhammadiya.
2. Sunani Termiziy (1-jild).
3. Sunani Termiziy (2-jild).
4. Buyuk Termiziylar.
5. Imom Abu Iso Muhammad Termiziy.
6. Manozilul ibod minal iboda (Mo‘minlarning ibodatdagi darajalari).
7. Haj va uning sirlari.
8. Kitabul ilal (Hadis illatlari haqida).
9. Ma’rifatul asror (Sirlar ma’rifati).
10. Al-akyos val mug‘tarrun (Oqillar va aldanganlar).
11. Ikki ulug‘ donishmand.
12. Hakim Termiziy asarlaridan saylanma. Navodirul usul (Nodir asoslar), Al-amsol minal Kitab vas sunna (Qur’on va sunnatdagi misollar), Masoil ahli Saraxs (Saraxs ahli savollariga javoblar), Al-Masaoilul maknuna (Yashirin masalalar), Bayonul farq (Farqlar bayoni), Ilmul avliyo (Avliyolar ilmi).
13. Dastur al-muluk.
14. Muhammad Hakim Termiziy risolalari. Buduvvu sha’n Abu Abdulloh Termiziy (Hakim Termiziy yo‘lining boshlanishi), Adabun nafs (Nafs odobi), Riyozatun nafs (Nafs riyozati), Bayonul kasb (Kasb-tirikchilik bayoni).

Shuningdek ijodiy guruh tomonidan zarur darsliklar va o‘quv qo‘llanmalari, ommabop nashrlar, ilmiy-amaliy tavsiyalar tayyorlash ishlari doimiy olib borilmoqda.