Тошкентдаги “Яккасарой” жоме масжиди янги биноси очилди

Рукн: Янгиликлар Чоп этилган: 16.09.2016

Тошкент шаҳридаги “Яккасарой” жоме масжидининг янги қурилган биносида 16 сентябрь куни илк жумъа намози ўқилди. Масжиднинг очилиш маросимида Ўзбекистон мусулмонлари идораси раиси, муфтий Усмонхон Алимов иштирок этди. Масжидга 2014 йилнинг 27 август куни куни илк ғишт қўйилган эди.

Тошкент шаҳридаги қарийб 100 йиллик тарихга эга “Яккасарой” жоме масжиди ўрнига минг нафар намозхонга мўлжаллаган катта жомеи барпо этилди. 23 метрга бўй чўзган гумбазли хонақоҳ деворлари, меҳроб ўзига хос нақшлар билан безатилган. Моҳир хаттотлар томонидан меҳроб усти ва деворига Қуръони карим оятларидан ҳамда ҳадиси шарифларда ворид бўлган дуолар муҳрланган. Хонақоҳ ёнида 150 кишига мўлжалланган кичик хонақоҳ ҳам барпо этилган. Бино гумбазининг ташқари томондан баландлиги юқорисидаги ой рамзи бўйи билан 28 метрга, миноранинг баландлиги эса 31.5 метрни ташкил этади. Хонақоҳга учта шарқона услубда кўтарилган арка орқали кирилади.

Таҳоратхона биноси ҳам шарқона услубда безатилган бўлиб, боболаримизнинг сув ишлатиш борасидаги пурҳикмат байтлари ёзилган.  Шунингдек, масжид ҳовлисида намоз сафлари тўғри олинишига ёрдам берувчи чизиқлар ётқизилган.

* * *

Toshkent shahridagi “Yakkasaroy” jome masjidining yangi qurilgan binosida 16 sentyabr kuni ilk jum’a namozi o‘qildi. Masjidning ochilish marosimida O‘zbekiston musulmonlari idorasi raisi, muftiy Usmonxon Alimov ishtirok etdi. Masjidga 2014 yilning 27 avgust kuni kuni ilk g‘isht qo‘yilgan edi.

Toshkent shahridagi qariyb 100 yillik tarixga ega “Yakkasaroy” jome masjidi o‘rniga ming nafar namozxonga mo‘ljallagan katta jomei barpo etildi. 23 metrga bo‘y cho‘zgan gumbazli xonaqoh devorlari, mehrob o‘ziga xos naqshlar bilan bezatilgan. Mohir xattotlar tomonidan mehrob usti va devoriga Qur’oni karim oyatlaridan hamda hadisi shariflarda vorid bo‘lgan duolar muhrlangan. Xonaqoh yonida 150 kishiga mo‘ljallangan kichik xonaqoh ham barpo etilgan. Bino gumbazining tashqari tomondan balandligi yuqorisidagi oy ramzi bo‘yi bilan 28 metrga, minoraning balandligi esa 31.5 metrni tashkil etadi. Xonaqohga uchta sharqona uslubda ko‘tarilgan arka orqali kiriladi.

Tahoratxona binosi ham sharqona uslubda bezatilgan bo‘lib, bobolarimizning suv ishlatish borasidagi purhikmat baytlari yozilgan.  Shuningdek, masjid hovlisida namoz saflari to‘g‘ri olinishiga yordam beruvchi chiziqlar yotqizilgan.