ХХII қорилар мусобақаси якунланди

Рукн: Янгиликлар Чоп этилган: 16.05.2012

2012 йил 17 апрел куни Тошкент шаҳрининг “Камолон” мавзесида жойлашган “Хўжа Аламбардор” жоме масжидида ХХИИ қорилар мусобақасининг якуний босқичи ўтказилди. Мусобақада Ўзбекистон мусулмонлари идораси тасарруфидаги таълим муассасалари ҳамда Тошкент ислом университети талабалари иштирок этди.

Мусобақа икки йўналишда ўтказилди: Мураттаб қорилар кўриги ҳамда Мужаввид қорилар кўриги.

Ҳакамлар ҳайъати аъзолари иштирокчиларнинг ўзларига берилган учта шарт бўйича жавоблари ҳамда қироатларини баҳолаб гъолибларни аниқладилар.

Мураттаб қори йигитлар танлови бўйича 1-ўринни Тошкент ислом институти 1-курс талабаси Қулбоев Жасурбек (олий маълумотлилар ўртасида), ўрта-махсус маълумотлилар орасида 1-ўринни “Кўкалдош” ўрта махсус ислом билим юрти 2-курс талабаси Ҳасанов Улуғбек эгаллади. 2-ўринни Саййид Муҳйиддин махдум ўрта махсус ислом билим юрти 1-курс талабаси Ҳайитбоэв Муҳаммадали, 3-ўринни Муҳаммад ал-Беруний ўрта махсус ислом билим юрти 2-курс талабаси Нуриддинов Йўлдошбой эгалладилар.

Мужаввид қори йигитлар танлови бўйича 1-ўринни Тошкент ислом институти 1-курс талабаси Ҳалимов Насрулло (олий маълумотлилар ўртасида), ўрта-махсус маълумотлилар орасида 1-ўринни Саййид Муҳйиддин махдум ўрта махсус ислом билим юрти 1-курс талабаси Камолов Абдурашид эгаллади. 2-ўринни Мир Араб ўрта махсус ислом билим юрти 3-курс талабаси Атовуллоэв Абдураҳмон, 3-ўринни Тошкент ислом институти “Таҳфиз ул-Қуръон” кафедраси 4-курс талабаси Жаъфаров Баҳодирхон эгаллади.

Мураттаб қория аёл-қизлар танлови бўйича 1-ўринни Жўйбори Калон аёл-қизлар ўрта махсус ислом билим юрти 2-курс талабаси Саидова Мадина, 2-ўринни Хадичаи Кубро аёл-қизлар ўрта махсус ислом билим юрти 4-курс талабаси Дадажонова Зарифа, 3-ўринни Тошкент ислом институти 2-курс талабаси Неъматова Машраббону эгаллади.

Мужаввид қория аёл-қизлар танлови бўйича 1-ўринни Хадичаи Кубро аёл-қизлар ўрта махсус ислом билим юрти 2-курс талабаси Нажмиддинова Нозимахон, 2-ўринни Хожа Бухорий ўрта махсус ислом билим юрти 4-курс талабаси Абдураҳмонова Нилуфар, 3-ўринни Жўйбори Калон аёл-қизлар ўрта махсус ислом билим юрти 3-курс талабаси Шарипова Мадина эгаллади.

Мусобақа якунида Ўзбекистон мусулмонлари идораси раиси, муфтий Усмонхон Алимов ғолиблар ва иштирокчиларни табриклади. Уларга дипломлар, Ўзбекистон мусулмонлари идораси, “Мовароуннаҳр” нашриёти ва “Хўжа Аламбардор” жоме масжиди томонидан тақдим этилган совғалари топширилди.

* * *

2012 yil 17 aprel kuni Toshkent shahrining “Kamolon” mavzesida joylashgan “Xo‘ja Alambardor” jome masjidida XXII qorilar musobaqasining yakuniy bosqichi o‘tkazildi. Musobaqada O‘zbekiston musulmonlari idorasi tasarrufidagi ta’lim muassasalari hamda Toshkent islom universiteti talabalari ishtirok etdi.

Musobaqa ikki yo‘nalishda o‘tkazildi: Murattab qorilar ko’rigi hamda Mujavvid qorilar ko’rigi.

Hakamlar hay’ati a’zolari ishtirokchilarning o’zlariga berilgan uchta shart bo’yicha javoblari hamda qiroatlarini baholab g’oliblarni aniqladilar.

Murattab qori yigitlar tanlovi bo‘yicha 1-o‘rinni Toshkent islom instituti 1-kurs talabasi Qulboyev Jasurbek (oliy ma’lumotlilar o‘rtasida), o‘rta-maxsus ma’lumotlilar orasida 1-o‘rinni “Ko‘kaldosh” o‘rta maxsus islom bilim yurti 2-kurs talabasi Hasanov Ulug‘bek egalladi. 2-o‘rinni Sayyid Muhyiddin maxdum o‘rta maxsus islom bilim yurti 1-kurs talabasi Hayitboev Muhammadali, 3-o‘rinni Muhammad al-Beruniy o‘rta maxsus islom bilim yurti 2-kurs talabasi Nuriddinov Yo‘ldoshboy egalladilar.

Mujavvid qori yigitlar tanlovi bo‘yicha 1-o‘rinni Toshkent islom instituti 1-kurs talabasi Halimov Nasrullo (oliy ma’lumotlilar o‘rtasida), o‘rta-maxsus ma’lumotlilar orasida 1-o‘rinni Sayyid Muhyiddin maxdum o‘rta maxsus islom bilim yurti 1-kurs talabasi Kamolov Abdurashid egalladi. 2-o‘rinni Mir Arab o‘rta maxsus islom bilim yurti 3-kurs talabasi Atovulloev Abdurahmon, 3-o‘rinni Toshkent islom instituti “Tahfiz ul-Qur’on” kafedrasi 4-kurs talabasi Ja’farov Bahodirxon egalladi.

Murattab qoriya ayol-qizlar tanlovi bo‘yicha 1-o‘rinni Jo‘ybori Kalon ayol-qizlar o‘rta maxsus islom bilim yurti 2-kurs talabasi Saidova Madina, 2-o‘rinni Xadichai Kubro ayol-qizlar o‘rta maxsus islom bilim yurti 4-kurs talabasi Dadajonova Zarifa, 3-o‘rinni Toshkent islom instituti 2-kurs talabasi Ne’matova Mashrabbonu egalladi.

Mujavvid qoriya ayol-qizlar tanlovi bo‘yicha 1-o‘rinni Xadichai Kubro ayol-qizlar o‘rta maxsus islom bilim yurti 2-kurs talabasi Najmiddinova Nozimaxon, 2-o‘rinni Xoja Buxoriy o‘rta maxsus islom bilim yurti 4-kurs talabasi Abdurahmonova Nilufar, 3-o‘rinni Jo‘ybori Kalon ayol-qizlar o‘rta maxsus islom bilim yurti 3-kurs talabasi Sharipova Madina egalladi.

Musobaqa yakunida O‘zbekiston musulmonlari idorasi raisi, muftiy Usmonxon Alimov g‘oliblar va ishtirokchilarni tabrikladi. Ularga diplomlar, O‘zbekiston musulmonlari idorasi, “Movarounnahr” nashriyoti va “Xo‘ja Alambardor” jome masjidi tomonidan taqdim etilgan sovg‘alari topshirildi.