“Энг ибратли ҳаётий ҳикоялар” танловининг ғолиблари аниқланди

Рукн: Янгиликлар Чоп этилган: 24.07.2016

www.ziyouz.uz ва www.qadriyat.uz сайтлари эълон қилган “Энг ибратли ҳаётий ҳикоялар” танлови якунланди. Танловга жами 57 нафар муаллифнинг 93 та ҳикояси келиб тушди.

Ғолибларни аниқлашда ҳикоянинг мазмуни, долзарблиги, унинг сайт ва ижтимоий саҳифаларимизда оммабоп бўлганлиги, матннинг бадиий хусусиятлари, эътиборга олинди. Улардан энг яхшилари олим, филолог, журналист, ёзувчи, ноширларлардан иборат 11 нафар экспертларга юборилди. Холисликни таъминлаш мақсадида ҳакамларга ҳикоянинг матнигина ҳавола қилинди (муаллифи билдирилмади). Ҳакамлар берган баҳолар умумлаштирилиб, энг юқори ўринлар аниқланди.

“Энг ибратли ҳаётий ҳикоялар” танлови ғолиблари билан танишинг.

1-ўрин. “Ишқ сурури” ҳикояси. Муаллифи: Нигора Маннопова. Иштирокчимизга диплом ва Шайх Муҳаммад Содиқ Муҳаммад Юсуф раҳимаҳуллоҳнинг 34 жилдли “Ҳадис ва ҳаёт” тўплами тақдим этилади.

2-ўрин. “Фарзанд — жазо эмас, мукофот” ҳикояси. Муаллифи: Дилдора Шарипова. Иштирокчимизга диплом ва Шайх Муҳаммад Содиқ Муҳаммад Юсуф раҳимаҳуллоҳнинг 4 жилдли “Одоблар хазинаси” тўплами тақдим этилади.

3-ўрин. “Ёлғоннинг туғилиши” ҳикояси. Муаллифи: Орифжон Толипов. Иштирокчимизга диплом ва “Академнашр” нашриёти томонидан Чўлпоннинг 4 жилдли “Асарлар” тўплами тақдим этилади.

4-ўрин. “Картошка баҳона...” ҳикояси. Муаллиф: Алишер Алиматов. Иштирокчимизга диплом ва АҚШнинг Ўзбекистондаги элчихонаси матбуот хизмати томонидан 80000 сўзлик “Инглизча-ўзбекча луғат” ва 8 Гблик флешка тақдим этилади.

4-ўрин. “Энг гўзал рўё” ҳикояси. Муаллиф: Замира Ибраҳимова. Иштирокчимизга диплом ва АҚШнинг Ўзбекистондаги элчихонаси матбуот хизмати томонидан 80000 сўзлик “Инглизча-ўзбекча луғат” ва 8 Гблик флешка тақдим этилади.

Танлов ғолибларидан бири, энг кекса иштирокчи Қудрат Дўстмуҳаммад: "Менга ўрин керак эмас, ёшларни рағбатлантиринг" деб тайинлагани учун ушбу рўйхатга киритилмади. 

Танлов ғолибларига мукофотлар етказилади (Тошкент шаҳридан бошқа жойларга почта орқали юборилади). Ғолиблардан ташкилотчилар билан боғланишлари сўралади.

* * *

www.ziyouz.uz va www.qadriyat.uz saytlari e’lon qilgan “Eng ibratli hayotiy hikoyalar” tanlovi yakunlandi. Tanlovga jami 57 nafar muallifning 93 ta hikoyasi kelib tushdi.

G‘oliblarni aniqlashda hikoyaning mazmuni, dolzarbligi, uning sayt va ijtimoiy sahifalarimizda ommabop bo‘lganligi, matnning badiiy xususiyatlari, e’tiborga olindi. Ulardan eng yaxshilari olim, filolog, jurnalist, yozuvchi, noshirlarlardan iborat 11 nafar ekspertlarga yuborildi. Xolislikni ta’minlash maqsadida hakamlarga hikoyaning matnigina havola qilindi (muallifi bildirilmadi). Hakamlar bergan baholar umumlashtirilib, eng yuqori o‘rinlar aniqlandi.

“Eng ibratli hayotiy hikoyalar” tanlovi g‘oliblari bilan tanishing.

1-o‘rin. “Ishq sururi” hikoyasi. Muallifi: Nigora Mannopova. Ishtirokchimizga diplom va Shayx Muhammad Sodiq Muhammad Yusuf rahimahullohning 34 jildli “Hadis va hayot” to‘plami taqdim etiladi.

2-o‘rin. “Farzand — jazo emas, mukofot” hikoyasi. Muallifi: Dildora Sharipova. Ishtirokchimizga diplom va Shayx Muhammad Sodiq Muhammad Yusuf rahimahullohning 4 jildli “Odoblar xazinasi” to‘plami taqdim etiladi.

3-o‘rin. “Yolg‘onning tug‘ilishi” hikoyasi. Muallifi: Orifjon Tolipov. Ishtirokchimizga diplom va “Akademnashr” nashriyoti tomonidan Cho‘lponning 4 jildli “Asarlar” to‘plami taqdim etiladi.

4-o‘rin. “Kartoshka bahona...” hikoyasi. Muallif: Alisher Alimatov. Ishtirokchimizga diplom va AQShning O‘zbekistondagi elchixonasi matbuot xizmati tomonidan 80000 so‘zlik “Inglizcha-o‘zbekcha lug‘at” va 8 Gblik fleshka taqdim etiladi.

4-o‘rin. “Eng go‘zal ro‘yo” hikoyasi. Muallif: Zamira Ibrahimova. Ishtirokchimizga diplom va AQShning O‘zbekistondagi elchixonasi matbuot xizmati tomonidan 80000 so‘zlik “Inglizcha-o‘zbekcha lug‘at” va 8 Gblik fleshka taqdim etiladi.

Tanlov g‘oliblaridan biri, eng keksa ishtirokchi Qudrat Do‘stmuhammad: "Menga o‘rin kerak emas, yoshlarni rag‘batlantiring" deb tayinlagani uchun ushbu ro‘yxatga kiritilmadi. 

Tanlov g‘oliblariga mukofotlar yetkaziladi (Toshkent shahridan boshqa joylarga pochta orqali yuboriladi). G‘oliblardan tashkilotchilar bilan bog‘lanishlari so‘raladi.