Ўзбекистонлик зиёратчиларнинг дастлабки гуруҳи Ҳаж сафарига жўнаб кетди

Рукн: Янгиликлар Чоп этилган: 20.10.2011

19 октябр куни Ҳаж сафари учун бир гуруҳ юртдошларимиз Саудия Арабистонига жўнаб кетишди. "Ўзбекистон ҳаво йўллари" миллий авиакомпаниясининг Тошкент-Мадина йўналиши бўйича пойтахтимиздаги халқаро аэропортдан йўлга чиққан ҳаво лайнерида дастлабки 240 нафар зиёратчилар Мадинаи мунавварага эсон-омон етиб олдилар.

Тошкент шаҳридан Муборак сафарга отланган зиёратчиларга врачлар, ҳожиларга хизматда бўладиган ишчи гуруҳ вакиллари ҳамда ошпазлар ҳамроҳлик қилдилар.

Зиёратчилар жўнаш олдидан минигококк ва гриппга қарши эмландилар. Шунингдек уларга Ҳаж аҳкомларини батафсиул тушунтирилган рисолалар ва видеоматериаллар тақдим этилди.

Зиёратчиларимиз Мадинадаги "Ал-Масжидун набавий"дан 150 метр узоқликдаги меҳмонхонада туришади. Маккаи мукаррамада эса "Масжид ал-ҳаром"дан 4500 метр узоқликдаги меҳмонхоналарда истиқомат қилишади.

Ҳожиларимиз зиёратни Мадинаи мунаввардан бошлаб, 3 кеча ва 4 кун у ерда туриб, сўнг асосий Ҳаж амалларини бажариш мақсадида Маккаи Мукаррамага йўл олишади.

Бўлғуси ҳожиларимизга қулайлик яратиш мақсадида Бухора-Мадина, наманган-Мадина, Самарқанд-Мадина, Термиз-Мадина, Ургач-Мадина, Қарши-Мадина йўналишларида ҳам халқаро рейслар ташкил этилди.

Бу йил Ўзбекистондан 5080 киши ҳаж зиёратига боради.

* * *

19-oktabr kuni Haj safari uchun bir guruh yurtdoshlarimiz Saudiya Arabistoniga jo‘nab ketishdi. "O‘zbekiston havo yo‘llari" milliy aviakompaniyasining Toshkent-Madina yo‘nalishi bo‘yicha poytaxtimizdagi xalqaro aeroportdan yo‘lga chiqqan havo laynerida dastlabki 240 nafar ziyoratchilar Madinai munavvaraga eson-omon yetib oldilar.

Toshkent shahridan Muborak safarga otlangan ziyoratchilarga vrachlar, hojilarga xizmatda bo‘ladigan ishchi guruh vakillari hamda oshpazlar hamrohlik qildilar.

Ziyoratchilar jo‘nash oldidan minigokokk va grippga qarshi emlandilar. Shuningdek ularga Haj ahkomlarini batafsiul tushuntirilgan risolalar va videomateriallar taqdim etildi.

Ziyoratchilarimiz Madinadagi "Al-Masjidun nabaviy"dan 150 metr uzoqlikdagi mehmonxonada turishadi. Makkai mukarramada esa "Masjid al-harom"dan 4500 metr uzoqlikdagi mehmonxonalarda istiqomat qilishadi.

Hojilarimiz ziyoratni Madinai munavvardan boshlab, 3 kecha va 4 kun u yerda turib, so‘ng asosiy Haj amallarini bajarish maqsadida Makkai Mukarramaga yo‘l olishadi.

Bo‘lg‘usi hojilarimizga qulaylik yaratish maqsadida Buxora-Madina, namangan-Madina, Samarqand-Madina, Termiz-Madina, Urgach-Madina, Qarshi-Madina yo‘nalishlarida ham xalqaro reyslar tashkil etildi.

Bu yil O‘zbekistondan 5080 kishi haj ziyoratiga boradi.