«Тўхтабой» жоме масжиди имом хатиби Исҳоқжон Бегматов “Олтин қалам” мукофоти соҳиби бўлди

Рукн: Янгиликлар Чоп этилган: 03.05.2016

3-май – Жаҳон матбуоти эркинлиги кунига бағишланган “Олтин қалам” ХI Миллий мукофотининг интернет-журналистика йўналишида Тошкент шаҳридаги «Тўхтабой» жоме масжиди имом хатиби  Исҳоқжон Бегматов 2-ўринни эгаллади ва махсус диплом, “Олтин қалам” кўкрак нишони ҳамда статуэткаси билан тақдирланди.

Исҳоқжон Бегматов 1970 йил 28 феврал куни Фарғона вилоятининг Бешариқ  туманида туғилган. Илк диний таълимни отаси мулла Муҳаммаджондан олган. Имом Бухорий номидаги Тошкент Ислом институтини тамомлаган (1990-1994).

Тошкент шаҳридаги Абулқосим мадрасасида мударрис (1994-1997), Имом Бухорий номидаги Тошкент Ислом институтида мударрис (1997-2003) бўлиб талабаларга «Фиқҳ» ва «Ақоид» фанларидан дарс берган. 2002 йилдан Тошкент шаҳридаги «Тўхтабой» жоме масжидида имом хатиб, 2010 йилдан Тошкент Ислом институтида мударрис бўлиб ишлаб келмоқда.

Исҳоқжон Бегматов «Йил имоми – 2015» кўрик танлови ва диний-маърифий мавзуларни ёритиш бўйича ўтказилган «Сарҳисоб - 2015» танлови ғолибидир.

Исҳоқжон Бегматовнинг «Илм олиш одоблари» (2004) китоби нашр этилган. Журналлар, газеталар ва интернет сайтларида 400 дан ортиқ мақолалари чоп этилган.

Исҳоқжон Бегматов журналистика соҳасида “Олтин қалам” ХI Миллий мукофоти  танловида «Тўхтабой» жомеъ масжидининг www.ummat.uz сайтида эълон қилинган мақолалари билан қатнашди.

Исҳоқжон Бегматовнинг келгусидаги ишларига Аллоҳ таолодан муваффақиятлар тилаймиз.

* * *

3-may – Jahon matbuoti erkinligi kuniga bag‘ishlangan “Oltin qalam” XI Milliy mukofotining internet-jurnalistika yo‘nalishida Toshkent shahridagi «To‘xtaboy» jome masjidi imom xatibi  Ishoqjon Begmatov 2-o‘rinni egalladi va maxsus diplom, “Oltin qalam” ko‘krak nishoni hamda statuetkasi bilan taqdirlandi.

Ishoqjon Begmatov 1970 yil 28 fevral kuni Farg‘ona viloyatining Beshariq  tumanida tug‘ilgan. Ilk diniy ta’limni otasi mulla Muhammadjondan olgan. Imom Buxoriy nomidagi Toshkent Islom institutini tamomlagan (1990-1994).

Toshkent shahridagi Abulqosim madrasasida mudarris (1994-1997), Imom Buxoriy nomidagi Toshkent Islom institutida mudarris (1997-2003) bo‘lib talabalarga «Fiqh» va «Aqoid» fanlaridan dars bergan. 2002 yildan Toshkent shahridagi «To‘xtaboy» jome masjidida imom xatib, 2010 yildan Toshkent Islom institutida mudarris bo‘lib ishlab kelmoqda.

Ishoqjon Begmatov «Yil imomi – 2015» ko‘rik tanlovi va diniy-ma’rifiy mavzularni yoritish bo‘yicha o‘tkazilgan «Sarhisob - 2015» tanlovi g‘olibidir.

Ishoqjon Begmatovning «Ilm olish odoblari» (2004) kitobi nashr etilgan. Jurnallar, gazetalar va internet saytlarida 400 dan ortiq maqolalari chop etilgan.

Ishoqjon Begmatov jurnalistika sohasida “Oltin qalam” XI Milliy mukofoti  tanlovida «To‘xtaboy» jome’ masjidining www.ummat.uz saytida e’lon qilingan maqolalari bilan qatnashdi.

Ishoqjon Begmatovning kelgusidagi ishlariga Alloh taolodan muvaffaqiyatlar tilaymiz.