Раҳматуллоҳ қори Сайфуддинов Тошкентдаги “Мирза Юсуф” масжидига имом-хатиб этиб тайинланди

Рукн: Янгиликлар Чоп этилган: 28.04.2016

2016 йил 28 апрель пайшанба куни Тошкент шаҳри Юнусобод тумани “Бодомзор” даҳасидаги “Мирза Юсуф” жоме масжидига Раҳматуллоҳ қори Сайфуддинов имом-хатиб этиб тайинланди.

Ўзбекистон мусулмонлари идораси раиси, муфтий Усмонхон Алимов ҳазратлари бошчилигидаги бир гуруҳ масъуллар “Мирза Юсуф” масжидида пешин намозига йиғилган намозхонларга янги имом-хатиб Раҳматуллоҳ қори Сайфуддиновни таништирдилар ва масжид қавмини муборакбод этдилар, дея хабар беради Ўзбекистон мусулмонлари идораси сайти.

Раҳматуллоҳ қори Ҳабибуллоҳ ҳожи ўғли Сайфуддинов 1975 йил 18 май куни Сурхондарё вилоятининг Музробот туманида зиёли оиласида таваллуд топган. Илк диний сабоқни отасидан ўрганган. Бухородаги “Мир Араб” мадрасаси (1992-1995) ва Имом Бухорий номидаги Тошкент Ислом Институтини тамомлаган (1995-1999).

Раҳматуллоҳ қори Сайфуддинов Тошкент шаҳар Шайхонтоҳур туманидаги “Оқ Туникали” жоме масжидида имом-хатиб (1995-1997), Юнусобод туманидаги “Мирзо Юсуф” жомеъ масжидида имом ноиби (1997-1999), “Юнусобод Оқтепа” жомеъ масжидида имом-хатиб (1999-2003), Имом Бухорий номидаги Тошкент Ислом Институтида мударрис (2001-2003), Шайхонтоҳур туманидаги “Хўжа Аламбардор” жомеъ масжидида имом-хатиб (2003-2014), “Минор” жомеъ масжиди имом-хатиби (2014-2015) сифатида фаолият юритган. 2015 йилдан Имом Бухорий номидаги Тошкент Ислом Институтида мударрис, 2016 йил 28 апрелдан Тошкент шаҳар Юнусобод тумани “Мирза Юсуф” жоме масжиди имом хатиби бўлиб ишламоқда.

Раҳматуллоҳ қори Сайфуддинов 2003 йил Эрон Ислом Республикасида ўтказилган ХIX Халқаро Қуръони карим мусобақасида иштирок этган.

Раҳматуллоҳ қори Сайфуддиновнинг “Ҳалол савдо касбларнинг яхшиси” (2011), “Ҳалол касб фаровонлик омили” (2013), “Ибратли хонадон” (2013) китоблари ва жума мавъизалари жамланган 13 та СD албоми (2011, 2012, 2013) чоп этилган.

Раҳматуллоҳ Ҳабибуллоҳ ўғли Ўзбекистон мусулмонлари идораси томонидан ўтказилган “Йил имоми” кўрик танлови Республика босқичининг мутлақ ғолиби (2011), “Энг фаол имом-хатиб” (2012).

Раҳматуллоҳ қори Ҳабибуллоҳ ўғли фаол имомлардан. У илмий-ижтимоий, диний-маърифий мавзудаги 80 дан ортиқ кўрсатувларда чиқиш қилган, ахлоқий-тарбиявий мавзулардаги 55 дан ортиқ радио эшиттиришлари эфирга узатилди. Шу билан бирга вақтли матбуотдаги журналлар, газеталар ва интернет сайтларида 1000 дан ортиқ илмий-ижтимоий, диний-маърифий мавзудаги мақолалари чоп этилган.

Раҳматуллоҳ қори Сайфуддиновнинг келгусидаги ишларига Аллоҳ таолодан муваффақиятлар тилаймиз.

* * *

2016 yil 28 aprel payshanba kuni Toshkent shahri Yunusobod tumani “Bodomzor” dahasidagi “Mirza Yusuf” jome masjidiga Rahmatulloh qori Sayfuddinov imom-xatib etib tayinlandi.

O‘zbekiston musulmonlari idorasi raisi, muftiy Usmonxon Alimov hazratlari boshchiligidagi bir guruh mas’ullar “Mirza Yusuf” masjidida peshin namoziga yig‘ilgan namozxonlarga yangi imom-xatib Rahmatulloh qori Sayfuddinovni tanishtirdilar va masjid qavmini muborakbod etdilar, deya xabar beradi O‘zbekiston musulmonlari idorasi sayti.

Rahmatulloh qori Habibulloh hoji o‘g‘li Sayfuddinov 1975 yil 18 may kuni Surxondaryo viloyatining Muzrobot tumanida ziyoli oilasida tavallud topgan. Ilk diniy saboqni otasidan o‘rgangan. Buxorodagi “Mir Arab” madrasasi (1992-1995) va Imom Buxoriy nomidagi Toshkent Islom Institutini tamomlagan (1995-1999).

Rahmatulloh qori Sayfuddinov Toshkent shahar Shayxontohur tumanidagi “Oq Tunikali” jome masjidida imom-xatib (1995-1997), Yunusobod tumanidagi “Mirzo Yusuf” jome’ masjidida imom noibi (1997-1999), “Yunusobod Oqtepa” jome’ masjidida imom-xatib (1999-2003), Imom Buxoriy nomidagi Toshkent Islom Institutida mudarris (2001-2003), Shayxontohur tumanidagi “Xo‘ja Alambardor” jome’ masjidida imom-xatib (2003-2014), “Minor” jome’ masjidi imom-xatibi (2014-2015) sifatida faoliyat yuritgan. 2015 yildan Imom Buxoriy nomidagi Toshkent Islom Institutida mudarris, 2016 yil 28 apreldan Toshkent shahar Yunusobod tumani “Mirza Yusuf” jome masjidi imom xatibi bo‘lib ishlamoqda.

Rahmatulloh qori Sayfuddinov 2003 yil Eron Islom Respublikasida o‘tkazilgan XIX Xalqaro Qur’oni karim musobaqasida ishtirok etgan.

Rahmatulloh qori Sayfuddinovning “Halol savdo kasblarning yaxshisi” (2011), “Halol kasb farovonlik omili” (2013), “Ibratli xonadon” (2013) kitoblari va juma mav’izalari jamlangan 13 ta SD albomi (2011, 2012, 2013) chop etilgan.

Rahmatulloh Habibulloh o‘g‘li O‘zbekiston musulmonlari idorasi tomonidan o‘tkazilgan “Yil imomi” ko‘rik tanlovi Respublika bosqichining mutlaq g‘olibi (2011), “Eng faol imom-xatib” (2012).

Rahmatulloh qori Habibulloh o‘g‘li faol imomlardan. U ilmiy-ijtimoiy, diniy-ma’rifiy mavzudagi 80 dan ortiq ko‘rsatuvlarda chiqish qilgan, axloqiy-tarbiyaviy mavzulardagi 55 dan ortiq radio eshittirishlari efirga uzatildi. Shu bilan birga vaqtli matbuotdagi jurnallar, gazetalar va internet saytlarida 1000 dan ortiq ilmiy-ijtimoiy, diniy-ma’rifiy mavzudagi maqolalari chop etilgan.

Rahmatulloh qori Sayfuddinovning kelgusidagi ishlariga Alloh taolodan muvaffaqiyatlar tilaymiz.