Муборак Ҳаж сафарига тадорик

Рукн: Янгиликлар Чоп этилган: 11.10.2011

8 октябр куни Киночилар уйида Муборак Ҳаж сафарига борувчи фуқаролар билан учрашув бўлиб ўтди.

Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита раиси вазифасини бажарувчи О.Юсупов, Ўзбекистон мусулмонлари идораси раиси ўринбосари А.Юнусов, Тошкент шаҳар ҳокими ўринбосари Н.Бахтиёров иштирок этган ушбу учрашувда мамлакатимизда миллий-диний қадриятларимизни асраб-авайлаш, маърифий ислом ғояларини ривожлантириш, диний бағрикенгликни қарор топтиришга алоҳида эътибор қаратилаётганини таъкидланди ҳамда Ҳаж ибодатларини тўла-тўкис адо этиш, бу борадаги тартиб-қоидалар, анъана ва рукнлар, шунингдек, сафар талаблари хусусида тушунтириш берилди. Шунингдек, Саудия Арабистонига боргандаги ҳолатлар, самолот ва юклар билан боғлиқ масалалар, ташикилий ишлар ҳақида тушунтирилди. Мутахассислар томонидан иштирокчиларнинг саволларига жавоблар берилди.

Бу йил юртимиздан 5000 га яқин фуқароларимиз Муборак Ҳаж сафарига отланадилар. Улар учун қулай шарт-шароит яратиш, зиёратчилар саломатлигини муҳофаза қилиш ва хавфсизлигини таъминлаш мақсадида Ўзбекистон мусулмонлари идораси, Ички ишлар ва Соғлиқни сақлаш вазирликлари, Давлат божхона қўмитаси ва бошқа ташкилотлар томонидан барча зарур чора-тадбирлар амалга оширилмоқда.

Муборак сафарга кетаётган юртдошларимизга йўллари бехатар, Ҳажлари қабул бўлишини тилаймиз!

* * *

8-oktabr kuni Kinochilar uyida Muborak Haj safariga boruvchi fuqarolar bilan uchrashuv bo‘lib o‘tdi.

O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita raisi vazifasini bajaruvchi O.Yusupov, O‘zbekiston musulmonlari idorasi raisi o‘rinbosari A.Yunusov, Toshkent shahar hokimi o‘rinbosari N.Baxtiyorov ishtirok etgan ushbu uchrashuvda mamlakatimizda milliy-diniy qadriyatlarimizni asrab-avaylash, ma’rifiy islom g‘oyalarini rivojlantirish, diniy bag‘rikenglikni qaror toptirishga alohida e’tibor qaratilayotganini ta’kidlandi hamda Haj ibodatlarini to‘la-to‘kis ado etish, bu boradagi tartib-qoidalar, an’ana va ruknlar, shuningdek, safar talablari xususida tushuntirish berildi. Shuningdek, Saudiya Arabistoniga borgandagi holatlar, samolot va yuklar bilan bog‘liq masalalar, tashikiliy ishlar haqida tushuntirildi. Mutaxassislar tomonidan ishtirokchilarning savollariga javoblar berildi.

Bu yil yurtimizdan 5000 ga yaqin fuqarolarimiz Muborak Haj safariga otlanadilar. Ular uchun qulay shart-sharoit yaratish, ziyoratchilar salomatligini muhofaza qilish va xavfsizligini ta’minlash maqsadida O‘zbekiston musulmonlari idorasi, Ichki ishlar va Sog‘liqni saqlash vazirliklari, Davlat bojxona qo‘mitasi va boshqa tashkilotlar tomonidan barcha zarur chora-tadbirlar amalga oshirilmoqda.

Muborak safarga ketayotgan yurtdoshlarimizga yo‘llari bexatar, Hajlari qabul bo‘lishini tilaymiz!