Яшнобод туманидаги “Жўрабек” жоме масжидига биринчи ғишт қўйилди

Тошкент шаҳридаги “Жўрабек” жоме масжидининг янги биноси қурилиши учун биринчи ғишт қўйилди. Ўзбекистон мусулмонлари идораси раиси, муфтий Усмонхон Алимов бошчилигида таниқли уламолар ва Вазирлар Маҳкамаси ҳузуридаги Дин ишлари бўйича Қўмита бўлим бошлиғи Муҳаммадбобур Йўлдошев ҳамда фахрий имомлар табаррукан масжиднинг биринчи ғиштини қўйиб бердилар, дея хабар қилади “Ислом нури” газетаси.

Яшнобод туманида жойлашган “Жўрабек” жоме масжидининг янги биноси хонақоҳи 650 ўринга мўлжалланган. Масжид битта минора, гумбаз ва муҳташам айвонлардан иборат лойиҳа чизмаси асосида барпо этилмоқда. Ихлос ва эътиқодли халқимиз масжид қурилиши ҳашарида фаол иштирок этишмоқда.

Сўнгги йилларда пойтахтимизда “Минор” жоме масжидининг қад ростлади, “Авайхон”, “Пул емас ота”, “Яккасарой” жоме масжидлари янгидан қурилди.

* * *

Toshkent shahridagi “Jo‘rabek” jome masjidining yangi binosi qurilishi uchun birinchi g‘isht qo‘yildi. O‘zbekiston musulmonlari idorasi raisi, muftiy Usmonxon Alimov boshchiligida taniqli ulamolar va Vazirlar Mahkamasi huzuridagi Din ishlari bo‘yicha Qo‘mita bo‘lim boshlig‘i Muhammadbobur Yo‘ldoshev hamda faxriy imomlar tabarrukan masjidning birinchi g‘ishtini qo‘yib berdilar, deya xabar qiladi “Islom nuri” gazetasi.

Yashnobod tumanida joylashgan “Jo‘rabek” jome masjidining yangi binosi xonaqohi 650 o‘ringa mo‘ljallangan. Masjid bitta minora, gumbaz va muhtasham ayvonlardan iborat loyiha chizmasi asosida barpo etilmoqda. Ixlos va e’tiqodli xalqimiz masjid qurilishi hasharida faol ishtirok etishmoqda.

So‘nggi yillarda poytaxtimizda “Minor” jome masjidining qad rostladi, “Avayxon”, “Pul yemas ota”, “Yakkasaroy” jome masjidlari yangidan qurildi.

• Олдинги
• Кейинги