Диний-маърифий мавзуларни ёритган ижодкорлар тақдирланди

Ўзбекистон мусулмонлари идорасида оммавий ахборот воситалари орқали диний-маърифий мавзуларни ёритишда фаоллик кўрсатган бир гуруҳ ижодкорлар тақдирланди.

«Сарҳисоб» танлови Вазирлар Маҳкамаси ҳузуридаги Дин ишлари бўйича қўмита, Ўзбекистон мусулмонлари идораси, Тошкент ислом университети, Матбуот ва ахборот агентлиги, Узбекистон Миллий телерадиокомпанияси ҳамкорлигида ташкил этилди. Тадбирда Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита раиси Ортиқбек Юсупов, Ўзбекистон мусулмонлари идораси раиси Усмонхон Алимов табрик сўзи билан иштирок этдилар.

Бу йилги «Сарҳисоб» танловига 1200 дан ортиқ ижодий ишлар тақдим этилган бўлиб, улардан 595 таси интернет йўналишидаги мақолалардир. Бу йилги танловга «Тинчлик ва осойишталикни қадрлаш мавзусидаги энг яхши ижодий иш» йўналишида алоҳида мукофот жорий этилди.

Тадбирда телевидение, радио, матбуот ва Интернет йўналишларида энг яхши деб топилган ижодий ишларнинг муаллифлари ҳамда соҳада алоҳида намуна кўрсатган тарғиботчилар махсус диплом ва ташкилотчиларнинг қимматбаҳо совғалари билан мукофотландилар.

Тақдирланганлар номидан сўз Тошкент вилояти бош имом-хатиби Хайрулла Турматов ва Қашқадарё вилояти бош имом-хатиби Раҳматулло Усмонов сўзга чиқиб, ушбу эътироф уларнинг диний-маърифий соҳадаги ижодий ишларини янада фаоллаштиришга ундашини таъкидладилар.

Тадбир доирасида Ўзбекистон мусулмонлари идорасининг “Мовароуннаҳр” ва Тошкент ислом университети нашриёти томонидан чоп этилган янги нашрлар кўргазмаси ҳамда “Ҳидоят” журналининг ижтимоий ҳаёт бўлими ходим Муҳаммадсиддиқ Раҳматовнинг “Тинчлик – олий неъмат” номли фотокўргазмаси ҳам бўлиб ўтди.

Қуйидаги номинациялар бўйича танлов ғолиблари тақдирланди:

Йилнинг энг фаол тарғиботчиси номинацияси

Асосий мукофотлар:
I ўрин - Долзарб мавзулардаги мақола ва китоблари учун Ўзбекистон мусулмонлари идораси раиси ўринбосари Айдарбек Тулепов.
II ўрин - Хотин-қизлар орасида фаол тарғибот фаолияти учун «Хадичаи Кубро» ўрта махсус ислом билим юрти мудираси вазифасини бажарувчи Нозима Ибрагимова.
III ўрин - Диний таълим муассасаларидаги тарғибот фаолияти учун Дин ишлари бўйича қўмита бўлим бошлиғи Салоҳиддин Шерхонов.
Рағбатлантирувчи мукофот:
1. Ижтимоий-маънавий муҳитни соғломлаштиришга қаратилган тарғибот фаолиятидаги намунали иштироки учун - Тошкент ислом университети ўқитувчиси Жамолиддин Каримов.
2. Республика бўйлаб ўтказилган маънавий-маърифий тадбирлардаги фаол иштироки учун - Исломшунослик илмий-тадқиқот маркази илмий котиби Комилжон Шермуҳамедов.

Интернет йўналиши

Асосий мукофотлар:
I ўрин - «ummat.uz» Интернет манзилидаги долзарб диний-маърифий мақолалари учун Тошкент шаҳар «Тўхтабой» масжиди имом-хатиби Исҳоқжон Бегматов.
II ўрин - «bukhari.uz» Интернет манзилидаги долзарб мавзулардаги мақолалари учун Имом Бухорий халқаро маркази илмий ходими Олимхон Юсупов.
III ўрин - qadriyat.uz», «ziyouz.com» Интернет манзилларида эълон қилинган диний-маърифий мавзулардаги туркум мақолалари учун ушбу сайтлар муҳаррири Давронбек Тожиалиев.
Рағбатлантирувчи мукофот:
1. Интернет тармоғида Ўзбекистон мусулмонлари идорасининг маънавий- маърифий фаолиятини кенг тарғиб қилгани учун — «Кўкалдош» ўрта махсус ислом билим юрти мударриси Жалолиддин Холмўминов.
2. Диний-маърифий Интернет манзилларидаги туркум мақолалари учун — Қашқадарё вилояти бош имом-хатиби Раҳматулло Усмонов.

Матбуот йўналиши

Асосий мукофотлар:
I ўрин - Долзарб мавзулардаги диний-маърифий мақола ва нашрлари учун - Имом Бухорий халқаро маркази илмий котиби Шукрулло Умаров.
II ўрин - Диний-маърифий мавзулардаги туркум мақолалари учун - «Мовароуннаҳр» нашриёти муҳаррири Нўъмон Атабаев.
III ўрин - Ёшлар тарбиясига оид туркум мақолалари учун - Тошкент вилояти бош имом-хатиби Хайрулла Турматов.
Рағбатлантирувчи мукофот:
1. Ҳудудий газеталарда чоп этилган диний-маьрифий мақолалари учун - «Хожа Бухорий» ўрта махсус ислом билим юрти мудири Ўткир Ғузаров.
2. Даврий матбуотда маънавий-ахлоқий мавзулардаги туркум мақолалари учун - Қорақалпоғистан Республикаси «Истиқлол ва Қонун» газетаси бўлим муҳаррри Миясар Қабулова.

Радио йўналиши

Асосий мукофотлар:
I ўрин - Долзарб мавзуларда тайёрланган радиодастурлар учун - «Ёшлар» телерадиоканали муҳаррири Кумуш Пардаева.
II ўрин - Радиоканалларда диний-маърифий мавзулардаги фаол чиқишлари учун - «Кўкалдош» ўрта махсус ислом билим юрти мударриси Маъмуржон Эркаев.
III ўрин - «Ўзбекистон» радиосидаги туркум эшиттиришлари учун - Ўзбекистон Миллий телерадиокомпанияси муҳаррири Акбар Аброров.
Рағбатлантирувчи мукофот:
1. Радиоканалларда диний-маърифий мавзулардаги чиқишлари учун - Тошкент ислом университети ўқитувчиси Саидафзал Саиджалолов.

Телевидение йўналиши

Асосий мукофотлар:
I ўрин - «Ўзбекистон» телерадиоканалида эфирга узатилган «Рамазон туҳфаси» туркум кўрсатувлари дастури учун - Ўзбекистон Миллий телерадиокомпанияси Маданий-маърифий ва бадиий дам олиш дастурлари бош муҳарририяти «Ҳидоят сари» кўрсатуви режиссёри Тўлқин Шамсиев.
II ўрин - Ўзбекистон телерадиокомпанияси ва маҳаллий телерадиокомпанияларда намойиш этилган долзарб мавзулар бўйича давра суҳбатларидаги иштироки учун - Самарқанд вилояти «Имом Бухорий» масжиди имом-хатиби Зайниддин Эшонқулов.
III ўрин - Ҳудудий телеканалда эфирга узатилган диний-маърифий кўрсатувлардаги фаол иштироки учун - «Муҳаммад ал-Беруний» ўрта махсус ислом билим юрти мударриси Бахадир Абдирахманов.
Рағбатлантирувчи мукофот:
1. Андижон    телерадиокомпаниясидаги диний-маърифий туркум курсатувлардаги чиқишлари учун - Андижон вилояти «Олтинкўл» масжиди имом-хатиби Муҳаммадюсуф Тўрақулов.

«Тинчлик ва осойишталикни қадрлаш мавзусидаги энг яхши ижодий иш» йўналишида алоҳида бош мукофот
 
Диний-маърифий соҳадаги ибратли фаолияти, аҳоли орасида соғлом эътиқод асосларини тарғиб этишдаги ўрни, ёшларни ёт таъсирлардан муҳофаза этишдаги намунали фаолияти учун - «Зиё» студияси ижодий гуруҳи

* * *

O‘zbekiston musulmonlari idorasida ommaviy axborot vositalari orqali diniy-ma’rifiy mavzularni yoritishda faollik ko‘rsatgan bir guruh ijodkorlar taqdirlandi.

«Sarhisob» tanlovi Vazirlar Mahkamasi huzuridagi Din ishlari bo‘yicha qo‘mita, O‘zbekiston musulmonlari idorasi, Toshkent islom universiteti, Matbuot va axborot agentligi, Uzbekiston Milliy teleradiokompaniyasi hamkorligida tashkil etildi. Tadbirda O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita raisi Ortiqbek Yusupov, O‘zbekiston musulmonlari idorasi raisi Usmonxon Alimov tabrik so‘zi bilan ishtirok etdilar.

Bu yilgi «Sarhisob» tanloviga 1200 dan ortiq ijodiy ishlar taqdim etilgan bo‘lib, ulardan 595 tasi internet yo‘nalishidagi maqolalardir. Bu yilgi tanlovga «Tinchlik va osoyishtalikni qadrlash mavzusidagi eng yaxshi ijodiy ish» yo‘nalishida alohida mukofot joriy etildi.

Tadbirda televidenie, radio, matbuot va Internet yo‘nalishlarida eng yaxshi deb topilgan ijodiy ishlarning mualliflari hamda sohada alohida namuna ko‘rsatgan targ‘ibotchilar maxsus diplom va tashkilotchilarning qimmatbaho sovg‘alari bilan mukofotlandilar.

Taqdirlanganlar nomidan so‘z Toshkent viloyati bosh imom-xatibi Xayrulla Turmatov va Qashqadaryo viloyati bosh imom-xatibi Rahmatullo Usmonov so‘zga chiqib, ushbu e’tirof ularning diniy-ma’rifiy sohadagi ijodiy ishlarini yanada faollashtirishga undashini ta’kidladilar.

Tadbir doirasida O‘zbekiston musulmonlari idorasining “Movarounnahr” va Toshkent islom universiteti nashriyoti tomonidan chop etilgan yangi nashrlar ko‘rgazmasi hamda “Hidoyat” jurnalining ijtimoiy hayot bo‘limi xodim Muhammadsiddiq Rahmatovning “Tinchlik – oliy ne’mat” nomli fotoko‘rgazmasi ham bo‘lib o‘tdi.

Quyidagi nominatsiyalar bo‘yicha tanlov g‘oliblari taqdirlandi:

Yilning eng faol targ‘ibotchisi nominatsiyasi

Asosiy mukofotlar:
I o‘rin - Dolzarb mavzulardagi maqola va kitoblari uchun O‘zbekiston musulmonlari idorasi raisi o‘rinbosari Aydarbek Tulepov.
II o‘rin - Xotin-qizlar orasida faol targ‘ibot faoliyati uchun «Xadichai Kubro» o‘rta maxsus islom bilim yurti mudirasi vazifasini bajaruvchi Nozima Ibragimova.
III o‘rin - Diniy ta’lim muassasalaridagi targ‘ibot faoliyati uchun Din ishlari bo‘yicha qo‘mita bo‘lim boshlig‘i Salohiddin Sherxonov.
Rag‘batlantiruvchi mukofot:
1. Ijtimoiy-ma’naviy muhitni sog‘lomlashtirishga qaratilgan targ‘ibot faoliyatidagi namunali ishtiroki uchun - Toshkent islom universiteti o‘qituvchisi Jamoliddin Karimov.
2. Respublika bo‘ylab o‘tkazilgan ma’naviy-ma’rifiy tadbirlardagi faol ishtiroki uchun - Islomshunoslik ilmiy-tadqiqot markazi ilmiy kotibi Komiljon Shermuhamedov.

Internet yo‘nalishi

Asosiy mukofotlar:
I o‘rin - «ummat.uz» Internet manzilidagi dolzarb diniy-ma’rifiy maqolalari uchun Toshkent shahar «To‘xtaboy» masjidi imom-xatibi Ishoqjon Begmatov.
II o‘rin - «bukhari.uz» Internet manzilidagi dolzarb mavzulardagi maqolalari uchun Imom Buxoriy xalqaro markazi ilmiy xodimi Olimxon Yusupov.
III o‘rin - qadriyat.uz», «ziyouz.com» Internet manzillarida e’lon qilingan diniy-ma’rifiy mavzulardagi turkum maqolalari uchun ushbu saytlar muharriri Davronbek Tojialiev.
Rag‘batlantiruvchi mukofot:
1. Internet tarmog‘ida O‘zbekiston musulmonlari idorasining ma’naviy- ma’rifiy faoliyatini keng targ‘ib qilgani uchun — «Ko‘kaldosh» o‘rta maxsus islom bilim yurti mudarrisi Jaloliddin Xolmo‘minov.
2. Diniy-ma’rifiy Internet manzillaridagi turkum maqolalari uchun — Qashqadaryo viloyati bosh imom-xatibi Rahmatullo Usmonov.

Matbuot yo‘nalishi

Asosiy mukofotlar:
I o‘rin - Dolzarb mavzulardagi diniy-ma’rifiy maqola va nashrlari uchun - Imom Buxoriy xalqaro markazi ilmiy kotibi Shukrullo Umarov.
II o‘rin - Diniy-ma’rifiy mavzulardagi turkum maqolalari uchun - «Movarounnahr» nashriyoti muharriri No‘‘mon Atabaev.
III o‘rin - Yoshlar tarbiyasiga oid turkum maqolalari uchun - Toshkent viloyati bosh imom-xatibi Xayrulla Turmatov.
Rag‘batlantiruvchi mukofot:
1. Hududiy gazetalarda chop etilgan diniy-marifiy maqolalari uchun - «Xoja Buxoriy» o‘rta maxsus islom bilim yurti mudiri O‘tkir G‘uzarov.
2. Davriy matbuotda ma’naviy-axloqiy mavzulardagi turkum maqolalari uchun - Qoraqalpog‘istan Respublikasi «Istiqlol va Qonun» gazetasi bo‘lim muharrri Miyasar Qabulova.

Radio yo‘nalishi

Asosiy mukofotlar:
I o‘rin - Dolzarb mavzularda tayyorlangan radiodasturlar uchun - «Yoshlar» teleradiokanali muharriri Kumush Pardayeva.
II o‘rin - Radiokanallarda diniy-ma’rifiy mavzulardagi faol chiqishlari uchun - «Ko‘kaldosh» o‘rta maxsus islom bilim yurti mudarrisi Ma’murjon Erkayev.
III o‘rin - «O‘zbekiston» radiosidagi turkum eshittirishlari uchun - O‘zbekiston Milliy teleradiokompaniyasi muharriri Akbar Abrorov.
Rag‘batlantiruvchi mukofot:
1. Radiokanallarda diniy-ma’rifiy mavzulardagi chiqishlari uchun - Toshkent islom universiteti o‘qituvchisi Saidafzal Saidjalolov.

Televidenie yo‘nalishi

Asosiy mukofotlar:
I o‘rin - «O‘zbekiston» teleradiokanalida efirga uzatilgan «Ramazon tuhfasi» turkum ko‘rsatuvlari dasturi uchun - O‘zbekiston Milliy teleradiokompaniyasi Madaniy-ma’rifiy va badiiy dam olish dasturlari bosh muharririyati «Hidoyat sari» ko‘rsatuvi rejissyori To‘lqin Shamsiev.
II o‘rin - O‘zbekiston teleradiokompaniyasi va mahalliy teleradiokompaniyalarda namoyish etilgan dolzarb mavzular bo‘yicha davra suhbatlaridagi ishtiroki uchun - Samarqand viloyati «Imom Buxoriy» masjidi imom-xatibi Zayniddin Eshonqulov.
III o‘rin - Hududiy telekanalda efirga uzatilgan diniy-ma’rifiy ko‘rsatuvlardagi faol ishtiroki uchun - «Muhammad al-Beruniy» o‘rta maxsus islom bilim yurti mudarrisi Baxadir Abdiraxmanov.
Rag‘batlantiruvchi mukofot:
1. Andijon    teleradiokompaniyasidagi diniy-ma’rifiy turkum kursatuvlardagi chiqishlari uchun - Andijon viloyati «Oltinko‘l» masjidi imom-xatibi Muhammadyusuf To‘raqulov.

«Tinchlik va osoyishtalikni qadrlash mavzusidagi eng yaxshi ijodiy ish» yo‘nalishida alohida bosh mukofot
 
Diniy-ma’rifiy sohadagi ibratli faoliyati, aholi orasida sog‘lom e’tiqod asoslarini targ‘ib etishdagi o‘rni, yoshlarni yot ta’sirlardan muhofaza etishdagi namunali faoliyati uchun - «Ziyo» studiyasi ijodiy guruhi

• Олдинги
• Кейинги