Анвар қори Турсунов “Минор” жомеъ масжидига имом-хатиб этиб тайинланди

Рукн: Янгиликлар Чоп этилган: 09.11.2015

Ўзбекистон мусулмонлари идораси Ахборот хизматининг хабар беришича, 2015 йил 6 ноябрь куни Анвар қори Турсунов пойтахтдаги “Минор” жоме масжиди имом-хатиби вазифасига тайинланди. Бу ҳақда шу йил 7 ноябрь куни “Минор” масжиди намозхонларига эълон қилинди. Эндиликда Анвар қори Турсунов Тошкент шаҳар бош имом-хатиби ва “Минор” жоме масжиди имом-хатиби вазифаларида ўз иш фаолиятларини давом эттиради.

“Минор” жоме масжидининг собиқ имом-хатиби Раҳматуллоҳ Сайфуддинов саломатлигини тиклаб олиши учун ўз ихтиёрига асосан вазифасидан озод этилди. Унга келгусида бошқа вазифа берилиши режалаштирилган.

Анвар қори Турсунов 1958 йили Тошкент шаҳрида хизматчи оиласида туғилган. Тошкент давлат университетининг филология факультетитини (1981), Имом Бухорий номли Тошкент Ислом институтини (2001) тамомлаган. 1995 йилдан бери имом-хатиблик вазифасида фаолият юритмоқда. 1999 йилдан бери Тошкент шаҳар бош имом-хатиби. 1999 йилдан «Ҳидоят сари» кўрсатувининг бошловчиси. 1989-1992 йилларда Қуръони каримнинг биринчи таржимасига (Шайх Алоуддин Мансур таржимаси)  муҳаррирлик қилган. Найсабурийнинг «Асбобун нузул» китобини таржима қилган.

* * *

O‘zbekiston musulmonlari idorasi Axborot xizmatining xabar berishicha, 2015 yil 6 noyabr kuni Anvar qori Tursunov poytaxtdagi “Minor” jome masjidi imom-xatibi vazifasiga tayinlandi. Bu haqda shu yil 7 noyabr kuni “Minor” masjidi namozxonlariga e’lon qilindi. Endilikda Anvar qori Tursunov Toshkent shahar bosh imom-xatibi va “Minor” jome masjidi imom-xatibi vazifalarida o‘z ish faoliyatlarini davom ettiradi.

“Minor” jome masjidining sobiq imom-xatibi Rahmatulloh Sayfuddinov salomatligini tiklab olishi uchun o‘z ixtiyoriga asosan vazifasidan ozod etildi. Unga kelgusida boshqa vazifa berilishi rejalashtirilgan.

Anvar qori Tursunov 1958 yili Toshkent shahrida xizmatchi oilasida tug‘ilgan. Toshkent davlat universitetining filologiya fakultetitini (1981), Imom Buxoriy nomli Toshkent Islom institutini (2001) tamomlagan. 1995 yildan beri imom-xatiblik vazifasida faoliyat yuritmoqda. 1999 yildan beri Toshkent shahar bosh imom-xatibi. 1999 yildan «Hidoyat sari» ko‘rsatuvining boshlovchisi. 1989-1992 yillarda Qur’oni karimning birinchi tarjimasiga (Shayx Alouddin Mansur tarjimasi)  muharrirlik qilgan. Naysaburiyning «Asbobun nuzul» kitobini tarjima qilgan.