“Йил имоми-2015” кўрик танлови ғолиблари аниқланди

Рукн: Янгиликлар Чоп этилган: 03.11.2015

Ўзбекистон мусулмонлари идорасида “Йил имоми” кўрик танловинингякуний – Республика босқичи бўлиб ўтди. Танловда Қорақалпоғистон Республикаси, вилоятлар ва Тошкент шаҳри босқичларида ғолиб бўлган ўн тўрт нафар имом-хатиблар қатнашишди.

Ҳакамлар ҳайъати томонидан баҳоланган танловнинг якуний натижаларига кўра, Тошкент шаҳар Олмазор туманидаги «Тўхтабой” жоме масжиди имом-хатиби Исоқжон домла Бегматов биринчи ўринга сазовор бўлди ва Ўзбекистон мусулмонлари идорасининг биринчи даражали дипломи ва қимматбаҳо совғалар билан тақдирланди.

Иккинчи ўрин Самарқанд вилояти Самарқанд шаҳри “Хўжа Абду Дарун” жоме масжиди имом-ноиби Қамариддин Бахриев ва Тошкент вилояти Бекобод тумани «Чаноқ» масжиди имом-хатиби Ёқубжон Бухорбоевга насиб этди.

Учинчи ўринга Қорақалпоғистон Республикаси Нукус шаҳар «Имом Эшон» жоме масжиди имом-хатиби Бахраматдин Разов ва Бухоро вилояти Бухоро шаҳар  «Хўжа Исмат”  жоме масжиди имом-хатиби Салоҳиддин Гадоев лойиқ кўрилди.

2008 йили Тошкент шаҳридаги "Бўрижар" (Илонли ота) жомеъ масжидининг имоми (хозирда "Навза" жомеъ масжиди имом хатиби) Жалолиддин домла Ҳамроқулов, 2009 йили Бухоро шаҳар «Хўжа Таббанд» жомеъ масжиди имом-хатиби Азизхўжа Хайруллоҳ ўғли, 2010 йили Тошкент шаҳридаги "Фирдавс"жомеъ масжидининг имоми (ҳозирда "Шайх Зайниддин" (Кўкча) жомеъ имом хатиби) Одилхон қори Исмоилов, 2011 йили Тошкент шаҳар «Хўжа Аламбардор» жомеъ масжиди имом-хатиби (ҳозирда “Минор” жомеъ масжиди имом-хатиби) Раҳматуллоҳ қори Сайфуддинов, 2012 йили Бухоро шаҳар “Абу Бакр Сиддиқ” жомеъ масжиди имом-хатиби Акром Абдуллаев, 2013 йили Навоий вилояти Хатирчи тумани “Имоми Аъзам” жоме масжиди имом-хатиби Муҳаммади Эргашев, 2014 йили Тошкент шаҳар «Ҳазрати Али» жомеъ масжиди имом-хатиби Салоҳиддин домла Шарипов танлов ғолиби бўлишган эди.

* * *

O‘zbekiston musulmonlari idorasida “Yil imomi” ko‘rik tanloviningyakuniy – Respublika bosqichi bo‘lib o‘tdi. Tanlovda Qoraqalpog‘iston Respublikasi, viloyatlar va Toshkent shahri bosqichlarida g‘olib bo‘lgan o‘n to‘rt nafar imom-xatiblar qatnashishdi.

Hakamlar hay’ati tomonidan baholangan tanlovning yakuniy natijalariga ko‘ra, Toshkent shahar Olmazor tumanidagi «To‘xtaboy” jome masjidi imom-xatibi Isoqjon domla Begmatov birinchi o‘ringa sazovor bo‘ldi va O‘zbekiston musulmonlari idorasining birinchi darajali diplomi va qimmatbaho sovg‘alar bilan taqdirlandi.

Ikkinchi o‘rin Samarqand viloyati Samarqand shahri “Xo‘ja Abdu Darun” jome masjidi imom-noibi Qamariddin Baxriev va Toshkent viloyati Bekobod tumani «Chanoq» masjidi imom-xatibi Yoqubjon Buxorboevga nasib etdi.

Uchinchi o‘ringa Qoraqalpog‘iston Respublikasi Nukus shahar «Imom Eshon» jome masjidi imom-xatibi Baxramatdin Razov va Buxoro viloyati Buxoro shahar  «Xo‘ja Ismat”  jome masjidi imom-xatibi Salohiddin Gadoev loyiq ko‘rildi.

2008 yili Toshkent shahridagi "Bo‘rijar" (Ilonli ota) jome’ masjidining imomi (xozirda "Navza" jome’ masjidi imom xatibi) Jaloliddin domla Hamroqulov, 2009 yili Buxoro shahar «Xo‘ja Tabband» jome’ masjidi imom-xatibi Azizxo‘ja Xayrulloh o‘g‘li, 2010 yili Toshkent shahridagi "Firdavs"jome’ masjidining imomi (hozirda "Shayx Zayniddin" (Ko‘kcha) jome’ imom xatibi) Odilxon qori Ismoilov, 2011 yili Toshkent shahar «Xo‘ja Alambardor» jome’ masjidi imom-xatibi (hozirda “Minor” jome’ masjidi imom-xatibi) Rahmatulloh qori Sayfuddinov, 2012 yili Buxoro shahar “Abu Bakr Siddiq” jome’ masjidi imom-xatibi Akrom Abdullaev, 2013 yili Navoiy viloyati Xatirchi tumani “Imomi A’zam” jome masjidi imom-xatibi Muhammadi Ergashev, 2014 yili Toshkent shahar «Hazrati Ali» jome’ masjidi imom-xatibi Salohiddin domla Sharipov tanlov g‘olibi bo‘lishgan edi.