Ё Мустафо Муҳаммад! (ғазал)

“Маҳбуб Пайғамбар (с.а.в.)” номли сийрат танловига

Ё Мустафо Муҳаммад, дўсти худо Муҳаммад.
Борми ҳабиб анингдек, ё Раббано, Муҳаммад?

Ҳаққи ўшал ҳабиблиқ, иззатингиз ҳаққига,
Мулки башар жумласи бўлди бино, Муҳаммад.

Мулки башар жумласи, ҳаққи ўшал ҳабиблиқ,
Бунча гўзал! Шу гўзал бизга раво, Муҳаммад.

Ўзга илоҳ йўқ дедим, Аллоҳ эрур ягона!
Оҳ, на ҳузур! Элчиси – кўнгилрабо Муҳаммад.

Ер ўпибон юксалиб; юксалибон ер ўпиб!
Боғланибон беш маҳал еру само, Муҳаммад.

Жисм чекиб риёзат, руҳ топибон ҳаловат,
Рўза эмас, баайни дорушшифо, Муҳаммад.

Насойимул муҳаббат – закот ўшал, муҳаққақ.
Жонлар фидо! Сўзингиз – баҳри ҳудо, Муҳаммад.

Кимда таманно улуғ, Макка мушарраф бўлуб,
Аркони иймони бўлғуси расо, Муҳаммад.

Босганимиз ҳар қадам саҳву хато, Муҳаммад,
Бизга сўранг шафоат, ҳашр аро Муҳаммад!    

Дийда тўла ёшимиз. Нурга чўмар ёдимиз,
Хотиримиз Сиз тараф чопса, аё Муҳаммад.

Бунча шараф, саодат – Сиз раҳнамо, Муҳаммад!
Ё Мустафо Муҳаммад! Ё Мустафо Муҳаммад!

Нодира Афоқова

Yo Mustafo Muhammad, do‘sti xudo Muhammad.
Bormi habib aningdek, yo Rabbano, Muhammad?

Haqqi o‘shal habibliq, izzatingiz haqqiga,
Mulki bashar jumlasi bo‘ldi bino, Muhammad.

Mulki bashar jumlasi, haqqi o‘shal habibliq,
Buncha go‘zal! Shu go‘zal bizga ravo, Muhammad.

O‘zga iloh yo‘q dedim, Alloh erur yagona!
Oh, na huzur! Elchisi – ko‘ngilrabo Muhammad.

Yer o‘pibon yuksalib; yuksalibon yer o‘pib!
Bog‘lanibon besh mahal yeru samo, Muhammad.

Jism chekib riyozat, ruh topibon halovat,
Ro‘za emas, baayni dorushshifo, Muhammad.

Nasoyimul muhabbat – zakot o‘shal, muhaqqaq.
Jonlar fido! So‘zingiz – bahri hudo, Muhammad.

Kimda tamanno ulug‘, Makka musharraf bo‘lub,
Arkoni iymoni bo‘lg‘usi raso, Muhammad.

Bosganimiz har qadam sahvu xato, Muhammad,
Bizga so‘rang shafoat, hashr aro Muhammad!    

Diyda to‘la yoshimiz. Nurga cho‘mar yodimiz,
Xotirimiz Siz taraf chopsa, ayo Muhammad.

Buncha sharaf, saodat – Siz rahnamo, Muhammad!
Yo Mustafo Muhammad! Yo Mustafo Muhammad!

Nodira Afoqova

• Олдинги
• Кейинги