У тунда сиз туғилган... (қасида)

Рукн: Муҳаммад (с.а.в.) сийратлари Чоп этилган: 09.12.2016

“Маҳбуб Пайғамбар (с.а.в.)” номли сийрат танловига

Аршнинг қуббаларига номи нур-ла ёзилган,
Самода Аҳмад, ерда Муҳаммад деб аталган,
Етти қат осмон узра Ҳақ суҳбатига етган,
Аввал-охир йўлбошчи, ё ҳазрати Муҳаммад!

Нурдан ёмғирлар ёғди бу тунда самоватдан,
Келишингиз ҳақида азал қадар узоқдан
Малаклар ҳар заррага мужда бераркан Ҳақдан,
Туғилдингиз шу тунда, ё ҳазрати Муҳаммад!

Қуёш ҳам бу кечанинг нурига сажда қилди,
Юлдузлар беҳуд бўлиб, коинот важда қилди!
Ҳамду санолар бари Яратганга ўқилди,
Бу тунда сиз туфайли, ё ҳазрати Муҳаммад!

Каъбада ширк тошлари – бутлар қулади ерга,
Жаҳолат байроқлари синди-ку, бари бирга,
Минг йиллик куфр олови сўнди – айланди кулга,
Қутлуғ қадамингиздан, ё ҳазрати Муҳаммад!

Шу тунда Саъва кўли мўъжизай-ла йўқ бўлди,
Кисро саройларининг устунлари йиқилди!
Арздан-Аршгача олам раҳматингизга тўлди,
Бу тунда сиз туфайли, ё ҳазрати Муҳаммад!

Гўдаклик йўргагингиз оқ булутдан ўралган,
Туғилишингиз ҳамон сажда амри берилган.
Бошингизда оламга раҳмат тожи кўринган,
Коинотнинг сарвари, ё ҳазрати Муҳаммад!

Ҳукм келган бу ҳақда – ҳам амин, ҳам покдирсиз,
Наслу насаби тоза энг шарафли зотдирсиз,
Шубҳали кўнгилларни Қуръон-ла забт этдингиз,
Танланган маҳбуб банда, ё ҳазрати Муҳаммад!

Улкан мусобақада шафоат муждачиси,
Ожиз, нолон башарнинг Маҳшар куни соқчиси,
Сиз Қуръоннинг шоҳиди, Аллоҳнинг сўнг элчиси,
Нажот хушхабарчиси, ё ҳазрати Муҳаммад!

Сиз Одамнинг наслини тўғри йўлга индирган,
Зулм санчиқларини шафқат билан тиндирган,
Жаҳолат оловини ирфон билан сўндирган,
Олимларнинг султони, ё ҳазрати Муҳаммад!

Сизнинг гўзал хулқингиз, ахлоқнинг машъаласи,
Гўзал сабр бобида башарнинг энг аълоси!
Ул Жаннат маконингиз фақирларнинг хонаси,
Кўнгиллар хазинаси, ё ҳазрати Муҳаммад!

Жоҳилият даврини тугатган – улуғ Султон,
Шафоатнинг Аллоҳга ёлворган қўли – Султон,
Раббимнинг энг суюкли, энг яқин қули – Султон,
Ҳатто малаклар мафтун, ё ҳазрати Муҳаммад!

Сизга шоҳид ҳақ сўзлар азалдан бери келган,
Сизга шоҳид оятлар ҳар заррада битилган!
Сиздан айро қолмоққа қандай чидасин, бу жон?!
Сиз ҳар жонда жононсиз, ё ҳазрати Муҳаммад!!!

Меърож туни сиз учун очилар экан кўклар,
Салом-ла қарши олди ҳар қават пайғамбарлар.
Шундай бир он келдики, тўхтаб барча малаклар,
Ҳаққа ёлғиз бордингиз, ё ҳазрати Муҳаммад!

Кўнгил кўзи кўр инсон, жон кўзини найласин?
Дунёда дўнмаган тил, Маҳшарда не сўйласин?!
Мавло бутун башарни умматингиз айласин,
Байроғингиз остида, ё ҳазрати Муҳаммад!!!

Ҳақ билан қул висоли, у илоҳий бир тўйда,
Ҳеч кимдан ҳеч кимсага фойда бўлмаган кунда,
Хайру шаррни ҳақ тортган, хос тарозу ўнггида
Сиз шафоатчи бўлинг, ё ҳазрати Муҳаммад!

Бу иймон машъаласи ҳеч сўнмасдан ёнажак,
Умматингиз то Маҳшар сизни ёдга олажак,
Нурингиздан кўнглимиз ойнаси покланажак,
Аҳдимизга содиқмиз, ё ҳазрати Муҳаммад!

Биламизки, ҳукми йўқ бу дунё неъматининг,
Кўнгилдир сармояси, охират сарватининг,
Сизга салавот-салом йўллаган ҳар умматнинг
Жаннат шоҳиди бўлинг, ё ҳазрати Муҳаммад!!!

Жаннат сари етакланг, ё ҳазрати Муҳаммад!
Жаннатларга етакланг, ё ҳазрати Муҳаммад!

(Соллаллоҳу алайҳи васаллам)

Муаллиф: Чингиз Нўъмонўғли

Туркчадан Гулбаҳор Абдуллоҳ таржимаси

Arshning qubbalariga nomi nur-la yozilgan,
Samoda Ahmad, yerda Muhammad deb atalgan,
Yetti qat osmon uzra Haq suhbatiga yetgan,
Avval-oxir yo‘lboshchi, yo hazrati Muhammad!

Nurdan yomg‘irlar yog‘di bu tunda samovatdan,
Kelishingiz haqida azal qadar uzoqdan
Malaklar har zarraga mujda berarkan Haqdan,
Tug‘ildingiz shu tunda, yo hazrati Muhammad!

Quyosh ham bu kechaning nuriga sajda qildi,
Yulduzlar behud bo‘lib, koinot vajda qildi!
Hamdu sanolar bari Yaratganga o‘qildi,
Bu tunda siz tufayli, yo hazrati Muhammad!

Ka’bada shirk toshlari – butlar quladi yerga,
Jaholat bayroqlari sindi-ku, bari birga,
Ming yillik kufr olovi so‘ndi – aylandi kulga,
Qutlug‘ qadamingizdan, yo hazrati Muhammad!

Shu tunda Sa’va ko‘li mo‘‘jizay-la yo‘q bo‘ldi,
Kisro saroylarining ustunlari yiqildi!
Arzdan-Arshgacha olam rahmatingizga to‘ldi,
Bu tunda siz tufayli, yo hazrati Muhammad!

Go‘daklik yo‘rgagingiz oq bulutdan o‘ralgan,
Tug‘ilishingiz hamon sajda amri berilgan.
Boshingizda olamga rahmat toji ko‘ringan,
Koinotning sarvari, yo hazrati Muhammad!

Hukm kelgan bu haqda – ham amin, ham pokdirsiz,
Naslu nasabi toza eng sharafli zotdirsiz,
Shubhali ko‘ngillarni Qur’on-la zabt etdingiz,
Tanlangan mahbub banda, yo hazrati Muhammad!

Ulkan musobaqada shafoat mujdachisi,
Ojiz, nolon basharning Mahshar kuni soqchisi,
Siz Qur’onning shohidi, Allohning so‘ng elchisi,
Najot xushxabarchisi, yo hazrati Muhammad!

Siz Odamning naslini to‘g‘ri yo‘lga indirgan,
Zulm sanchiqlarini shafqat bilan tindirgan,
Jaholat olovini irfon bilan so‘ndirgan,
Olimlarning sultoni, yo hazrati Muhammad!

Sizning go‘zal xulqingiz, axloqning mash’alasi,
Go‘zal sabr bobida basharning eng a’losi!
Ul Jannat makoningiz faqirlarning xonasi,
Ko‘ngillar xazinasi, yo hazrati Muhammad!

Johiliyat davrini tugatgan – ulug‘ Sulton,
Shafoatning Allohga yolvorgan qo‘li – Sulton,
Rabbimning eng suyukli, eng yaqin quli – Sulton,
Hatto malaklar maftun, yo hazrati Muhammad!

Sizga shohid haq so‘zlar azaldan beri kelgan,
Sizga shohid oyatlar har zarrada bitilgan!
Sizdan ayro qolmoqqa qanday chidasin, bu jon?!
Siz har jonda jononsiz, yo hazrati Muhammad!!!

Me’roj tuni siz uchun ochilar ekan ko‘klar,
Salom-la qarshi oldi har qavat payg‘ambarlar.
Shunday bir on keldiki, to‘xtab barcha malaklar,
Haqqa yolg‘iz bordingiz, yo hazrati Muhammad!

Ko‘ngil ko‘zi ko‘r inson, jon ko‘zini naylasin?
Dunyoda do‘nmagan til, Mahsharda ne so‘ylasin?!
Mavlo butun basharni ummatingiz aylasin,
Bayrog‘ingiz ostida, yo hazrati Muhammad!!!

Haq bilan qul visoli, u ilohiy bir to‘yda,
Hech kimdan hech kimsaga foyda bo‘lmagan kunda,
Xayru sharrni haq tortgan, xos tarozu o‘nggida
Siz shafoatchi bo‘ling, yo hazrati Muhammad!

Bu iymon mash’alasi hech so‘nmasdan yonajak,
Ummatingiz to Mahshar sizni yodga olajak,
Nuringizdan ko‘nglimiz oynasi poklanajak,
Ahdimizga sodiqmiz, yo hazrati Muhammad!

Bilamizki, hukmi yo‘q bu dunyo ne’matining,
Ko‘ngildir sarmoyasi, oxirat sarvatining,
Sizga salavot-salom yo‘llagan har ummatning
Jannat shohidi bo‘ling, yo hazrati Muhammad!!!

Jannat sari yetaklang, yo hazrati Muhammad!
Jannatlarga yetaklang, yo hazrati Muhammad!

(Sollallohu alayhi vasallam)