Рўзадор тиш олдириши, қон олдириши, бассейнда чўмилиши, тиш пастаси билан тозаланиши мумкинми?

Рукн: Савол беринг Чоп этилган: 29.05.2017

Савол: Рўзадор киши тиш олдириши мумкинми?

Жавоб: Зарурат юзасидан ва эҳтиёж туғилганда тиш олдириш рўзага зарар етказмайди. Яъни тиш оғриб рўзадорни қийнайдиган бўлса тишини олдириши мумкин. Аммо зарурат бўлмаса ва тиш оғриғи қийнамайдиган бўлса тиш олдириши рўзадорга макруҳ бўлади. Валлоҳу аълам.

Савол: Рўзадор қон олдирса рўзаси очиладими?

Жавоб: Рўза тутган киши қон олдириши билан рўзаси очилмайди. Лекин рўзадор киши қон олдириши сабабли рўза тутишга кучи етмайдиган даражада заифлашиб қоладиган бўлса рўза тутган вақтда қон олдириши рўзадорга макруҳ саналади. Валлоҳу аълам.

Савол: Рўзадор одам бассейнда ёки шунга ўхшаш пишиниб чўмиладиган жойда чўмилса бўладими?

Жавоб: Рўза ибодатидан малолланиш сабабли эмас, балки тетиклашиш ёки покланиш мақсадида бўлса ҳамда сув кириб кетмаслик чора-тадбирларини кўрган бўлса, жоиздир. Валлоҳу аълам.

Савол: Рўзадор киши тиш пастаси билан тишини тозаласа бўладими?

Жавоб: Рўзадор кишининг тиш пастасини истеъмол қилиши макруҳдир. Валлоҳу аълам.

Ўзбекистон Мусулмонлари идораси Фатво ҳайъати

Savol: Ro‘zador kishi tish oldirishi mumkinmi?

Javob: Zarurat yuzasidan va ehtiyoj tug‘ilganda tish oldirish ro‘zaga zarar yetkazmaydi. Ya’ni tish og‘rib ro‘zadorni qiynaydigan bo‘lsa tishini oldirishi mumkin. Ammo zarurat bo‘lmasa va tish og‘rig‘i qiynamaydigan bo‘lsa tish oldirishi ro‘zadorga makruh bo‘ladi. Vallohu a’lam.

Savol: Ro‘zador qon oldirsa ro‘zasi ochiladimi?

Javob: Ro‘za tutgan kishi qon oldirishi bilan ro‘zasi ochilmaydi. Lekin ro‘zador kishi qon oldirishi sababli ro‘za tutishga kuchi yetmaydigan darajada zaiflashib qoladigan bo‘lsa ro‘za tutgan vaqtda qon oldirishi ro‘zadorga makruh sanaladi. Vallohu a’lam.

Savol: Ro‘zador odam basseynda yoki shunga o‘xshash pishinib cho‘miladigan joyda cho‘milsa bo‘ladimi?

Javob: Ro‘za ibodatidan malollanish sababli emas, balki tetiklashish yoki poklanish maqsadida bo‘lsa hamda suv kirib ketmaslik chora-tadbirlarini ko‘rgan bo‘lsa, joizdir. Vallohu a’lam.

Savol: Ro‘zador kishi tish pastasi bilan tishini tozalasa bo‘ladimi?

Javob: Ro‘zador kishining tish pastasini iste’mol qilishi makruhdir. Vallohu a’lam.

O‘zbekiston Musulmonlari idorasi Fatvo hay’ati

Мулоҳазалар   

0 #2 Qadriyat.uz 16.06.2017 12:08
Иқтибос Komil:
Assalomu alaykum. Majburan men tutun chiqayotgan joyda turishimga to‘gri kelib qoldi. Tutun yutmaslikka harakat qildim. Lekin beixtiyor yutib yubordim. Qattiqroq harakat qilganimda yutib yubormasdim degan gumonim bor. Qazosini tutushim kerakmi ?

Ва алайкум ассалом!
Баъзи нарсалар на таом ёки дорилик фойдасини беради ва на улардан сақланиб бўлади. Улардан сақланиш баъзи ҳолатларда нафақат мушкул, балки иложи ҳам бўлмайди. Масалан тутун, чанг, овқатларнинг турли хил ҳидлари кабилар. Бу борада шариатимизнинг ҳукми шуки, агар у нарсалар кишининг ихтиёрисиз кирадиган бўлса, бунинг рўзага ҳеч қандай таъсири йўқ ва макруҳ ҳам эмасдир. Валлоҳу аълам.
Ўзбекистон Мусулмонлари идораси Фатво ҳайъати
Иқтибос олиш
0 #1 Komil 16.06.2017 05:06
Assalomu alaykum. Majburan men tutun chiqayotgan joyda turishimga to‘gri kelib qoldi. Tutun yutmaslikka harakat qildim. Lekin beixtiyor yutib yubordim. Qattiqroq harakat qilganimda yutib yubormasdim degan gumonim bor. Qazosini tutushim kerakmi ?
Иқтибос олиш

Мулоҳаза қўшиш


Ҳимоя коди
Янгилаш