Тўйдан олдин фотосессия қилдириш гуноҳми?

Савол: Ҳозир урф бўлган тўйдан олдинги маросимлар (фотосессия, тўй либоси) учун учрашувлар шаръий тўғри бўлиши учун никоҳ ўқитишни тавсия қилишмоқда. Никоҳ ўқилгандан кейин келин куёвникига 3 кундан кўп бўлмаган вақтда кўчиб ўтиши керак, деган гап айтишмоқда. Аслида ҳам шундайми?

Жавоб: Ундай гап йўқ. Лекин фотосессия қилиб, ўз хотинини номаҳрамлар кўз ўнгида турли хил либосда, турли ҳолатда кўрсатишдан эркак киши ҳаё қилиши ва ўз аёлини рашк қилиши лозимдир. Шунингдек, бундай тарздаги фотосессияга пул ва вақт сарфлаш исроф ҳисобланади. Валлоҳу аълам.

Савол: Рамазон ойида никоҳ тўйини ўтказса бўладими?

Жавоб: Рамазон ойида никоҳ тўйини қилиши албатта бўлади ва яхши бўлади. Валлоҳу аълам.

Савол: Зулқаъда ойида фотиҳа (туй) қилинса бўладими?

Жавоб: Бу ойда тўйнинг фотиҳасини қилса ҳам ёки тўйнинг ўзини қилса ҳам бўлаверади. Бундай амалларни ҳеч қандай истисносиз йилнинг ўн икки ойида қилиш мумкин. Бундай амалларни бирор ойда қилиш мумкин эмас деб шумланиш бидъат ҳисобланади ва шумланган киши гуноҳкор бўлади. Валлоҳу аълам.

Савол: Никоҳни қайси вақт ўқитиш жоиздир (келинни ота уйидан чиқаришдан олдинми ёки кечки базмдан кейин куёвнинг уйига олиб келгандан кейинми?)

Жавоб: Қиз билан йигит номаҳрам ҳолида бирга юрмасликлари учун никоҳни имкон қадар тезроқ ўқитгани маъқул. Чунки никоҳ ўқитишдан олдин улар бирга юришлари мумкин эмас. Никоҳ ўқитгандан сўнг эса тўйни кечиктирмасдан, дарҳол эълон қилиш лозим бўлади.

Савол: Тўй маросимларда раислик, яъни давракашлик қилиб тирикчилик қилиш гуноҳми?

Жавоб: Агар у ерда ношаръий ишларга ёрдамлашиш бўлмаса, гуноҳ ҳисобланмайди. Валлоҳу аълам.

Ўзбекистон Мусулмонлари идораси Фатво ҳайъати

Savol: Hozir urf bo‘lgan to‘ydan oldingi marosimlar (fotosessiya, to‘y libosi) uchun uchrashuvlar shar’iy to‘g‘ri bo‘lishi uchun nikoh o‘qitishni tavsiya qilishmoqda. Nikoh o‘qilgandan keyin kelin kuyovnikiga 3 kundan ko‘p bo‘lmagan vaqtda ko‘chib o‘tishi kerak, degan gap aytishmoqda. Aslida ham shundaymi?

Javob: Unday gap yo‘q. Lekin fotosessiya qilib, o‘z xotinini nomahramlar ko‘z o‘ngida turli xil libosda, turli holatda ko‘rsatishdan erkak kishi hayo qilishi va o‘z ayolini rashk qilishi lozimdir. Shuningdek, bunday tarzdagi fotosessiyaga pul va vaqt sarflash isrof hisoblanadi. Vallohu a’lam.

Savol: Ramazon oyida nikoh to‘yini o‘tkazsa bo‘ladimi?

Javob: Ramazon oyida nikoh to‘yini qilishi albatta bo‘ladi va yaxshi bo‘ladi. Vallohu a’lam.

Savol: Zulqa’da oyida fotiha (tuy) qilinsa bo‘ladimi?

Javob: Bu oyda to‘yning fotihasini qilsa ham yoki to‘yning o‘zini qilsa ham bo‘laveradi. Bunday amallarni hech qanday istisnosiz yilning o‘n ikki oyida qilish mumkin. Bunday amallarni biror oyda qilish mumkin emas deb shumlanish bid’at hisoblanadi va shumlangan kishi gunohkor bo‘ladi. Vallohu a’lam.

Savol: Nikohni qaysi vaqt o‘qitish joizdir (kelinni ota uyidan chiqarishdan oldinmi yoki kechki bazmdan keyin kuyovning uyiga olib kelgandan keyinmi?)

Javob: Qiz bilan yigit nomahram holida birga yurmasliklari uchun nikohni imkon qadar tezroq o‘qitgani ma’qul. Chunki nikoh o‘qitishdan oldin ular birga yurishlari mumkin emas. Nikoh o‘qitgandan so‘ng esa to‘yni kechiktirmasdan, darhol e’lon qilish lozim bo‘ladi.

Savol: To‘y marosimlarda raislik, ya’ni davrakashlik qilib tirikchilik qilish gunohmi?

Javob: Agar u yerda noshar’iy ishlarga yordamlashish bo‘lmasa, gunoh hisoblanmaydi. Vallohu a’lam.

O‘zbekiston Musulmonlari idorasi Fatvo hay’ati

• Олдинги
• Кейинги