Пайғамбаримиз соллаллоҳу алайҳи ва саллам сочларини оқартирган суралар қайси?

Рукн: Савол беринг Чоп этилган: 04.01.2016

Савол: Абу Бакр сиддиқ Пайғамбаримиз с.а.в.дан нега сочлари тез оқариб кетгани ҳақида сўраганларида, у зот 3 та сура номини айтган эканлар. Ана шу 3 та сура қайси эди? (Анвар)

Жавоб: Пайғамбаримиз соллаллоҳу алайҳи ва саллам сочларига нима сабаб оқ тушгани мана бу ривоятда айтилган.

عَنْ ابْنِ عَبَّاسٍ رَضِيَ اللهُ عَنْهُ قَالَ: قَالَ أَبُو بَكْرٍ رَضِيَ اللهُ عَنْهُ: يَا رَسُولَ اللهِ قَدْ شِبْتَ قَالَ: شَيَّبَتْنِي هُودٌ وَالْوَاقِعَةُ وَالْمُرْسَلاَتُ وَعَمَّ يَتَسَاءَلُونَ وَإِذَا الشَّمْسُ كُوِّرَتْ. رَوَاهُ التِّرْمِذِيُّ وَالْحَاكِمُ وَالْبَيْهَقِيُّ وَأَبُو يَعْلَى وَسَنَدُهُ صَحِيحٌ.

Ибн Аббос розияллоҳу анҳу ривоят қилади: “Абу Бакр розияллоҳу анҳу: “Эй Расулуллоҳ, сочингизга оқ тушибдими?” деб сўради. Шунда у зот: “Менинг сочимни Ҳуд, Воқеа, Мурсалот, Набаъ ва Таквир (суралари) оқартирди”, дедилар” (Термизий, Ҳоким, Байҳақий ва Абу Яъло ривояти. Ривоят санади саҳиҳ).

Баъзилар: “Ривоятда Расулуллоҳ соллаллоҳу алайҳи ва саллам сочларига оқ тушиши эмас, у зотда кексалик аломатлари барвақт зоҳир бўлиши назарда тутилмоқда. Зеро, Термизий Анас розияллоҳу анҳудан ривоят қилишича, у Расули акрамнинг сочларида ўн тўрт дона оқ тукни санаган экан”, дейишган.

Хуллас, Набий соллаллоҳу алайҳи ва саллам юқорида саналган сураларда, аввалги қавмлар бошига тушган азоблардан воқиф бўлиб, ўз умматлари ҳақида қайғурганлар. Натижада у зотда қарилик аломати барвақт пайдо бўлган. Валлоҳу аълам! (Одилхон қори Юнусхон ўғли)

* * *

Savol: Abu Bakr siddiq Payg‘ambarimiz s.a.v.dan nega sochlari tez oqarib ketgani haqida so‘raganlarida, u zot 3 ta sura nomini aytgan ekanlar. Ana shu 3 ta sura qaysi edi? (Anvar)

Javob: Payg‘ambarimiz sollallohu alayhi va sallam sochlariga nima sabab oq tushgani mana bu rivoyatda aytilgan.

عَنْ ابْنِ عَبَّاسٍ رَضِيَ اللهُ عَنْهُ قَالَ: قَالَ أَبُو بَكْرٍ رَضِيَ اللهُ عَنْهُ: يَا رَسُولَ اللهِ قَدْ شِبْتَ قَالَ: شَيَّبَتْنِي هُودٌ وَالْوَاقِعَةُ وَالْمُرْسَلاَتُ وَعَمَّ يَتَسَاءَلُونَ وَإِذَا الشَّمْسُ كُوِّرَتْ. رَوَاهُ التِّرْمِذِيُّ وَالْحَاكِمُ وَالْبَيْهَقِيُّ وَأَبُو يَعْلَى وَسَنَدُهُ صَحِيحٌ.

Ibn Abbos roziyallohu anhu rivoyat qiladi: “Abu Bakr roziyallohu anhu: “Ey Rasululloh, sochingizga oq tushibdimi?” deb so‘radi. Shunda u zot: “Mening sochimni Hud, Voqea, Mursalot, Naba’ va Takvir (suralari) oqartirdi”, dedilar” (Termiziy, Hokim, Bayhaqiy va Abu Ya’lo rivoyati. Rivoyat sanadi sahih).

Ba’zilar: “Rivoyatda Rasululloh sollallohu alayhi va sallam sochlariga oq tushishi emas, u zotda keksalik alomatlari barvaqt zohir bo‘lishi nazarda tutilmoqda. Zero, Termiziy Anas roziyallohu anhudan rivoyat qilishicha, u Rasuli akramning sochlarida o‘n to‘rt dona oq tukni sanagan ekan”, deyishgan.

Xullas, Nabiy sollallohu alayhi va sallam yuqorida sanalgan suralarda, avvalgi qavmlar boshiga tushgan azoblardan voqif bo‘lib, o‘z ummatlari haqida qayg‘urganlar. Natijada u zotda qarilik alomati barvaqt paydo bo‘lgan. Vallohu a’lam! (Odilxon qori Yunusxon o‘g‘li)