Ота-она ҳақлари
Ота-онанинг фарзандлари устида ҳаётлик вақтларида ҳам, вафотларидан кейин ҳам ҳақлари бисёр. Улардан ҳаётлик вақтларидаги ҳақлари қуйидагилар:
Хизматларини қилиб ризоликларини олиш;
Яхшилик ва эҳсонда бўлиш;
Осийлик қилмаслик;
Гуноҳ бўлмаган ишларда уларга итоат қилиш;
Меҳр-шафқат ва севги билан қараш;
Улар гуноҳ қилганда бир марта насиҳат қилиш, қабул қилишмаса, сукут сақлаб, ҳақларига дуо қилиш;
Рухсатларисиз сафарга чиқмаслик;
Уларни кўрганда туриб олдиларига бориш, улар ўтирмагунча ёки изнларисиз ўтирмаслик, ўтирганда ҳам одоб ва ҳурматларини сақлаш;
Бирга юрганда улардан ортда юриш, заруратсиз улардан олдинга ўтмаслик;
Чақирганларида дарҳол ёнларига бориш;
Юмшоқ гапириш, тавозели бўлиш ҳамда “уф” демаслик;
Овозини уларникидан баланд чиқармаслик;
Олдиларида кўп гапирмаслик, одоб билан сўзларини тинглаш; Аёлини улардан афзал кўрмаслиги керак;
Уларни исмлари билан чақирмаслик;
Сўзларини бўлиб “билағонлик” қилмаслик;
Ота-онанинг ўзаро ҳамда бошқалар билан ораларига совуқчилик соладиган сўз ва ҳаракатлардан узоқ туриш;
Ота-она дуосини ғанимат билиб, яхши дуоларини олиш;
Баддуоларидан сақланиш;
Хурсандчиликларига шерик бўлиб қувониш;
Қайғуларида хафа бўлиб, ҳамдардлик кўрсатиш;
Кўп гапиришса, ранжимаслик, шундай бўлганда ҳам уларга билдирмаслик;
Жабр ва қаҳрларига чидаш ва ўзини ҳеч нарса бўлмагандек тутиш;
Ранжитиб қўйишдан қўрқиш; Уларнинг узоқ умр кўришларини тилаб дуода бўлиш;
Кийим-бош олганда уларни ўзидан олдинга қўйиш;
Таомининг яхшисини уларга бериш;
Узоқда бўлишса, зиёратларига бориш; Улар билан бирга овқатланиш;
Нимани ҳоҳлашларини сўраб, айтганларини амалга ошириш;
Улар яшаётган уйни озода сақлаш, вақти билан таъмирлаб туриш;
Маълум миқдорда пул бериш (айтолмайдиган эҳтиёжлари бўлиши мумкин);
Мол, пулда уларни эркин қўйиш (ота-онага сарфланган пулдан ҳисоб сўралмайди);
Ширин таомлар қилиб, уларни меҳмонга чақириш;
Уларнинг дўстларини дўст билиш, меҳмон қилиб кўнгилларини олиш;
Душманларидан узоқ туришга ҳаракат қилиш;
Касал бўлганларида даволанишларига эътибор бериш, хасталик пайтларида шахсан ўзи хизматларини адо этишга ҳаракат қилиш.
“Ирфон” тақвимининг 2011 йил, 1-сонидан олинди.
* * *
Ota-onaning farzandlari ustida hayotlik vaqtlarida ham, vafotlaridan keyin ham haqlari bisyor. Ulardan hayotlik vaqtlaridagi haqlari quyidagilar:
Xizmatlarini qilib rizoliklarini olish;
Yaxshilik va ehsonda bo‘lish;
Osiylik qilmaslik;
Gunoh bo‘lmagan ishlarda ularga itoat qilish;
Mehr-shafqat va sevgi bilan qarash;
Ular gunoh qilganda bir marta nasihat qilish, qabul qilishmasa, sukut saqlab, haqlariga duo qilish;
Ruxsatlarisiz safarga chiqmaslik;
Ularni ko‘rganda turib oldilariga borish, ular o‘tirmaguncha yoki iznlarisiz o‘tirmaslik, o‘tirganda ham odob va hurmatlarini saqlash;
Birga yurganda ulardan ortda yurish, zaruratsiz ulardan oldinga o‘tmaslik;
Chaqirganlarida darhol yonlariga borish;
Yumshoq gapirish, tavozeli bo‘lish hamda “uf” demaslik;
Ovozini ularnikidan baland chiqarmaslik;
Oldilarida ko‘p gapirmaslik, odob bilan so‘zlarini tinglash; Ayolini ulardan afzal ko‘rmasligi kerak;
Ularni ismlari bilan chaqirmaslik;
So‘zlarini bo‘lib “bilag‘onlik” qilmaslik;
Ota-onaning o‘zaro hamda boshqalar bilan oralariga sovuqchilik soladigan so‘z va harakatlardan uzoq turish;
Ota-ona duosini g‘animat bilib, yaxshi duolarini olish;
Badduolaridan saqlanish;
Xursandchiliklariga sherik bo‘lib quvonish;
Qayg‘ularida xafa bo‘lib, hamdardlik ko‘rsatish;
Ko‘p gapirishsa, ranjimaslik, shunday bo‘lganda ham ularga bildirmaslik;
Jabr va qahrlariga chidash va o‘zini hech narsa bo‘lmagandek tutish;
Ranjitib qo‘yishdan qo‘rqish; Ularning uzoq umr ko‘rishlarini tilab duoda bo‘lish;
Kiyim-bosh olganda ularni o‘zidan oldinga qo‘yish;
Taomining yaxshisini ularga berish;
Uzoqda bo‘lishsa, ziyoratlariga borish; Ular bilan birga ovqatlanish;
Nimani hohlashlarini so‘rab, aytganlarini amalga oshirish;
Ular yashayotgan uyni ozoda saqlash, vaqti bilan ta’mirlab turish;
Ma’lum miqdorda pul berish (aytolmaydigan ehtiyojlari bo‘lishi mumkin);
Mol, pulda ularni erkin qo‘yish (ota-onaga sarflangan puldan hisob so‘ralmaydi);
Shirin taomlar qilib, ularni mehmonga chaqirish;
Ularning do‘stlarini do‘st bilish, mehmon qilib ko‘ngillarini olish;
Dushmanlaridan uzoq turishga harakat qilish;
Kasal bo‘lganlarida davolanishlariga e’tibor berish, xastalik paytlarida shaxsan o‘zi xizmatlarini ado etishga harakat qilish.
“Irfon” taqvimining 2011yil, 1-sonidan olindi.