Муҳаррам ойининг фазилатлари

Ҳижрий-қамарий йил ҳисобининг биринчи ойи Муҳаррам ойи ҳурматли ойдир. Аллоҳ таоло уруш-бузғунчиликларни ҳаром қилган тўрт ойнинг биридир. Ҳадисларда ушбу ойни “Аллоҳни ойи”эканлиги ҳақида хабарлар бор. Ойлар орасида Рамазон ойидан кейинги энг барокатли ва фазилатли ой муборак муҳаррам ойидир.

 

Муҳаррам ойининг Ашуро, яъни ўнинчи кунида барча самовий динлар тарихида жуда муҳим воқеа ва ҳодисалар бўлиб ўтган. Масалан Аллоҳ таоло Мусо алайҳиссаломни Ашуро куни Фиръавннинг исканжасидан қутқарган. Бунга далил қилиб қуйидаги ҳадисни айтиб ўтиш мумкин. “Пайғамбар (с.а.в) Мадинага келганларида яҳудийлар Ашуро (Муҳаррам ойининг 10-куни)да рўза тутганларини кўрдилар. Улар: “Бу- Аллоҳ таоло Мусо (а.с) билан Бани Исроилни душманлардан кутқарган муборак кун, шунинг учун Мусо (а.с) бу кунда рўза тутганлар”, дейишди. Шунда Пайғамбармиз (с.а.в):

 “Мен Мусога сизлардан кўра ҳақлироқман”, дедилар ва шу куни рўза тутдилар, бошқаларни ҳам рўза тутишга буюрдилар.

 

“Фарз намозларидан ташқари қайси намоз, Рамазон рўзасидан ташқари қайси рўза фазилатлироқдир?” 

“Фарз намозларидан ташқари энг фазилатли намоз таҳажжуд намози, рамазон рўзасидан ташқари тутилган энг фазилатли рўза эса Аллоҳу Таолонинг ойи ҳисобланган Муҳаррам ойида тутилган рўзадир.(Ҳадис, Муслим)

 

Шунинг учун Муҳаррамнинг 1-сидан 10-сигача 10 кун рўза тутиш жуда фазилатлидир. Бунга қурби етмаганлар Муҳаррамнинг 9-10-ва 11-ёки 9-10-ё бўлмаса 10-11-кунлари рўза тутишлари суннати муаккададир.

Бу ойда иложи борича кўпроқ тавба истиғфор айтиш керак. 

Кимки ҳаром ойларда (Ражаб, Зулқаъда, Зулҳижжа, Муҳаррам) 3 кун, яъни пайшанба, жума, шанба кунлари рўза тутса, Аллоҳ уни икки йиллик тутилган рўза ўрнига қабул қилади. Агар чоршанба кунидан бошлаб тутса ва жума куни бир садақа берса Аллоҳ унинг бутун гуноҳларини кечиради.(Ҳадис)

 

Уламо-и киром бу ойнинг 9, 10, 11-кунлари ёки пайшанба, жума ва шанба кунлари кетма-кет рўза тутган кишига 900 йиллик нафл рўза савоби берилишини ривоят қилганлар.

 

Муҳаррам ойининг 1-кунидан 10-сигача кетма-кет рўза тутган кишининг Ҳазрати Ҳасан ва Ҳазрати Ҳусайин(р.а.)лар билан бирга жаннатга киришлари хушхабари берилган.

 

Ким Муҳаррам ойида 1 кун рўза тутса, тутган ҳар куни учун 30 кунлик рўза савоби берилади, кейинги йилги гуноҳларига ҳам каффорат бўлади. 

Зулҳижжа ойининг охириги куни ва Муҳаррам ойининг 1-куни рўза тутиш 50 йиллик гуноҳларга каффорат бўлиши ҳақида ҳадис бор. Жумладан, Расулуллоҳ соллоллоҳу алайҳи васаллам Ашуро кунида рўза тутишнинг фазилати фазилати ҳақида “Ўтган бир йил давомида қилинган гуноҳларига каффорот бўлади”деб марҳамат қилганлар.

 

Бошқа бир ҳадисда эса: “Ашуро кунида бир кун олдин ва бир кун кейин ҳам рўза тутинглар” ушбу юқорида зикр этилган ҳадисларга биноан уламоларимиз “Муҳаррам ойининг тўққизинчи, ўнинчи ва ўнбиринчи кунлари рўза тутиш мустаҳабдир”, деганлар.

 

Яна Пайғабаримиз (с.а.в) марҳамат қиладиларки: “Ким Ашуро кунида ўз аҳли оиласига кўпроқ нафақа қилса, яъни рўзғорни бут қилиб берса, Аллоҳ таоло йил давомида унинг ризқига кенгчилик беради”.

 

Демек бу кунларда қилинган амалларга Аллоҳ улуғ ажр ва мукофотларни беради. Бундан ташқари бу ойда ўқиладиган кўплаб фазилатли намоз (нафила) ва дуолар бор, умуман бу ойни унумли ўткизиш учун жидду-жаҳд қилишимиз  лозим.

 

Янги йил ва муҳаррам ойи барчамизга муборак бўлсин!

 

 

* * *

 

Hijriy-qamariy yil hisobining birinchi oyi Muharram oyi hurmatli oydir. Alloh taolo urush-buzg‘unchiliklarni harom qilgan to‘rt oyning biridir. Hadislarda ushbu oyni “Allohni oyi”ekanligi haqida xabarlar bor. Oylar orasida Ramazon oyidan keyingi eng barokatli va fazilatli oy muborak muharram oyidir.

 

Muharram oyining Ashuro, ya’ni o‘ninchi kunida barcha samoviy dinlar tarixida juda muhim voqea va hodisalar bo‘lib o‘tgan. Masalan Alloh taolo Muso alayhissalomni Ashuro kuni Fir’avnning iskanjasidan qutqargan. Bunga dalil qilib quyidagi hadisni aytib o‘tish mumkin. “Payg‘ambar (s.a.v) Madinaga kelganlarida yahudiylar Ashuro (Muharram oyining 10-kuni)da ro‘za tutganlarini ko‘rdilar. Ular: “Bu- Alloh taolo Muso (a.s) bilan Bani Isroilni dushmanlardan kutqargan muborak kun, shuning uchun Muso (a.s) bu kunda ro‘za tutganlar”, deyishdi. Shunda Payg‘ambarmiz (s.a.v):

“Men Musoga sizlardan ko‘ra haqliroqman”, dedilar va shu kuni ro‘za tutdilar, boshqalarni ham ro‘za tutishga buyurdilar.

 

“Farz namozlaridan tashqari qaysi namoz, Ramazon ro‘zasidan tashqari qaysi ro‘za fazilatliroqdir?” 

“Farz namozlaridan tashqari eng fazilatli namoz tahajjud namozi, ramazon ro‘zasidan tashqari tutilgan eng fazilatli ro‘za esa Allohu Taoloning oyi hisoblangan Muharram oyida tutilgan ro‘zadir.(Hadis, Muslim)

 

Shuning uchun Muharramning 1-sidan 10-sigacha 10 kun ro‘za tutish juda fazilatlidir. Bunga qurbi yetmaganlar Muharramning 9-10-va 11-yoki 9-10-yo bo‘lmasa 10-11-kunlari ro‘za tutishlari sunnati muakkadadir.

Bu oyda iloji boricha ko‘proq tavba istig‘for aytish kerak. 

Kimki harom oylarda (Rajab, Zulqa’da, Zulhijja, Muharram) 3 kun, ya’ni payshanba, juma, shanba kunlari ro‘za tutsa, Alloh uni ikki yillik tutilgan ro‘za o‘rniga qabul qiladi. Agar chorshanba kunidan boshlab tutsa va juma kuni bir sadaqa bersa Alloh uning butun gunohlarini kechiradi.(Hadis)

 

Ulamo-i kirom bu oyning 9, 10, 11-kunlari yoki payshanba, juma va shanba kunlari ketma-ket ro‘za tutgan kishiga 900 yillik nafl ro‘za savobi berilishini rivoyat qilganlar.

 

Muharram oyining 1-kunidan 10-sigacha ketma-ket ro‘za tutgan kishining Hazrati Hasan va Hazrati Husayin(r.a.)lar bilan birga jannatga kirishlari xushxabari berilgan.

 

Kim Muharram oyida 1 kun ro‘za tutsa, tutgan har kuni uchun 30 kunlik ro‘za savobi beriladi, keyingi yilgi gunohlariga ham kafforat bo‘ladi. 

Zulhijja oyining oxirigi kuni va Muharram oyining 1-kuni ro‘za tutish 50 yillik gunohlarga kafforat bo‘lishi haqida hadis bor. Jumladan, Rasululloh sollollohu alayhi vasallam Ashuro kunida ro‘za tutishning fazilati fazilati haqida “O‘tgan bir yil davomida qilingan gunohlariga kafforot bo‘ladi”deb marhamat qilganlar.

 

Boshqa bir hadisda esa: “Ashuro kunida bir kun oldin va bir kun keyin ham ro‘za tutinglar” ushbu yuqorida zikr etilgan hadislarga binoan ulamolarimiz “Muharram oyining to‘qqizinchi, o‘ninchi va o‘nbirinchi kunlari ro‘za tutish mustahabdir”, deganlar.

 

Yana Payg‘abarimiz (s.a.v) marhamat qiladilarki: “Kim Ashuro kunida o‘z ahli oilasiga ko‘proq nafaqa qilsa, ya’ni ro‘zg‘orni but qilib bersa, Alloh taolo yil davomida uning rizqiga kengchilik beradi”.

 

Demek bu kunlarda qilingan amallarga Alloh ulug‘ ajr va mukofotlarni beradi. Bundan tashqari bu oyda o‘qiladigan ko‘plab fazilatli namoz (nafila) va duolar bor, umuman bu oyni unumli o‘tkizish uchun jiddu-jahd qilishimiz lozim.

 

Yangi yil va muharram oyi barchamizga muborak bo‘lsin!