Бадавийнинг ҳиммати
Қаҳатчилик бўлиб, ҳамма жойда сув қуриб кетган пайтда бир бадавий қишлоғидаги айниб, ранги ҳам ўзгариб кетган ҳовуздаги сувдан олиб, Бағдод ҳалифасига совға қилиб олиб боргани йўлга тушибди. Сарой дарбонларига ҳалифага буюк совға олиб келаётганини айтиб, рухсат сўрабди. Ичкарига кириб, подшоҳ билан суҳбатлашар экан, ҳалифа сўрабди:
— Менга нима совға олиб келдинг?
— Жаннатнинг сувини олиб келдим. (Бадавий сувнинг ўз қишлоғидаги ҳовуздагина борлигига ишонарди.)
Ҳалифа бадавийнинг ўз қишлоғидан бошқа ерларни кўрмагани учун, шу сувни жаннат суви деб ўйларкан-да деб фикр қилиб, хазинабонга сув олиб келган хумини олтинлар билан тўлдириб беришини айтибди ва:
— Кетишида уни Дажла дарёси бўйидан олиб ўтинг, – дебди.
* * *
Qahatchilik bo‘lib, hamma joyda suv qurib ketgan paytda bir badaviy qishlog‘idagi aynib, rangi ham o‘zgarib ketgan hovuzdagi suvdan olib, Bag‘dod xalifasiga sovg‘a qilib olib borgani yo‘lga tushibdi. Saroy darbonlariga xalifaga buyuk sovg‘a olib kelayotganini aytib, ruxsat so‘rabdi. Ichkariga kirib, podshoh bilan suhbatlashar ekan, xalifa so‘rabdi:
— Menga nima sovg‘a olib kelding?
— Jannatning suvini olib keldim. (Badaviy suvning o‘z qishlog‘idagi hovuzdagina borligiga ishonardi.)
Xalifa badaviyning o‘z qishlog‘idan boshqa yerlarni ko‘rmagani uchun, shu suvni jannat suvi deb o‘ylarkan-da deb fikr qilib, xazinabonga suv olib kelgan xumini oltinlar bilan to‘ldirib berishini aytibdi va:
— Ketishida uni Dajla daryosi bo‘yidan olib o‘ting, — debdi.
Yorqinjon qori ma’ruzalari asosida tayyorlandi.