Суви оққан инглиз

Рукн: Ибрат Чоп этилган: 10.12.2014

Ҳиндистон шайхул-исломи Ҳусайн Аҳмад Маданий поездда шогирдлари билан бирга кетаётсалар, олдиларига бир инглиз киши аёли билан чиқиб ўтирибди. У зотга хизмат қилаётган муридларни кўриб, бу қайси машҳур одам экан, деб суриштирибди. У кишининг шайхул-ислом эканини билгач, бир мот қилай деб савол берибди:
— Ҳазрат, менинг бир масалада Исломга эътирозим бор. Нега сизларда аёлларни ёпиниб юришга буюрилган? Гўёки очиқ кийиниш эркакларнинг йўлдан урилишига сабаб бўларкан, зинога даъват қилар экан? Мана, менинг хотиним, сочларини ёйиб, калта кийимларни кийиб олиб, олдимда ўтирибди. Айтинг-чи, бу поездда кетаётган кимни гуноҳга даъват этяпти?
Ҳазрат жавоб бермабдилар. Индамай ўтираверибдилар. Бир соатдан сўнг шогирдларидан бирига лимон чой буюрибдилар. Шакар солинган чойга лимонни тўрғаётиб, инглизга қарасалар, лимоннинг мазасига оғзидан суви келаётган экан. Шунда айтибдилар:
— Оғзингизга сув келдими? Лимон шундай нарсаки, табиатан нордон бўлганлиги сабабли, уни кесилганда одамнинг оғзидан сув келади. Кичкинагина, жонсиз лимон сувингизни оқизиб юборди-ку. Хотинингизнинг эса жони бор, гўзаллиги, ҳусни жамоли бор, жоду кўзлари бор. Қандай қилиб у бировларнинг оғзидан сувни оқиздирмайди?

* * *

Hindiston shayxul-islomi Husayn Ahmad Madaniy poyezdda shogirdlari bilan birga ketayotsalar, oldilariga bir ingliz kishi ayoli bilan chiqib o‘tiribdi. U zotga xizmat qilayotgan muridlarni ko‘rib, bu qaysi mashhur odam ekan, deb surishtiribdi. U kishining shayxul-islom ekanini bilgach, savol beribdi:
— Hazrat, mening bir masalada Islomga e’tirozim bor. Nega sizlarda ayollarni yopinib yurishga buyurilgan? Go‘yoki ochiq kiyinish erkaklarning yo‘ldan urilishiga sabab bo‘larkan, zinoga da’vat qilar ekan? Mana, mening xotinim, sochlarini yoyib, kalta kiyimlarni kiyib olib, oldimda o‘tiribdi. Ayting-chi, u ushbu poyezdda ketayotgan kimni gunohga da’vat etyapti?
Hazrat javob bermabdilar. Indamay o‘tiraveribdilar. Bir soatdan so‘ng shogirdlaridan biriga limon choy buyuribdilar. Shakar solingan choyga limonni to‘rg‘ayotib, inglizga qarasalar, limonning mazasiga og‘zidan suvi kelayotgan ekan. Shunda aytibdilar:
— Og‘zingizga suv keldimi? Limon shunday narsaki, tabiatan nordon bo‘lganligi sa­babli, uni kesilganda odamning og‘zidan suv keladi. Kichkinagina, jonsiz limon suvingizni oqizib yubordi-ku. Xotiningizning esa joni bor, go‘zalligi, husni jamoli bor, jodu ko‘zlari bor. Qanday qilib u birovlar­ning og‘zidan suvni oqizdirmaydi?

Yorqinjon qori ma’ruzalari asosida tayyorlandi.