Агар Аҳмад сeни чақирмаса

Рукн: Ибрат Чоп этилган: 24.05.2018

“Энг гўзал ҳикоятлар-2” танловига

Бир Рамазон оқшоми Ускудар ашрофларидан бир бой фақиру фуқарога ифтор берди. Овқатдан кейин меҳмонлар билан ҳол-аҳвол сўрагач, бойлигини санай кетди:

— Афандим, Самандирадаги 1500 йиллик еримда бу ёз полиз экинлари етиштираман.

Меҳмонлардан, дарвешсифат бир киши  қараб туриб:

— Агар Аҳмад сени чақирмаса, деди.

Бой буни эшитмагандай давом этди:

— Азизим, Бейкоздаги дала ҳовлимга бу йил янги  қўшимчалар киритаман.

Дарвеш яна:

— Агар Аҳмад чақирмаса, деди.

Бой бунга ҳам аҳамият бермай давом этди:

— Келаси ой Ҳиндистонга катта бир тижорат карвони жўнатаман. Бу тижоратдан катта фойда кутяпман.

Дарвеш яна:

— Агар Аҳмад чақирмаса, деди.

Бой ортиқ чидолмади, жаҳли чиқиб:

— Афанди, агар Аҳмад сени чақирмаса деб турибсиз, ким ўзи бу Аҳмад?, — деди.

Дарвеш хотиржамлик билан:

— Қорача Аҳмад қабристони, деб жавоб берди.

Туркчадан Марям Осиё таржимаси

Bir Ramazon oqshomi Uskudar ashroflaridan bir boy faqiru fuqaroga iftor berdi. Ovqatdan keyin mehmonlar bilan hol-ahvol so‘ragach, boyligini sanay ketdi:

— Afandim, Samandiradagi 1500 yillik yerimda bu yoz poliz ekinlari yetishtiraman.

Mehmonlardan, darveshsifat bir kishi  qarab turib:

— Agar Ahmad seni chaqirmasa, dedi.

Boy buni eshitmaganday davom etdi:

— Azizim, Beykozdagi dala hovlimga bu yil yangi  qo‘shimchalar kiritaman.

Darvesh yana:

— Agar Ahmad chaqirmasa, dedi.

Boy bunga ham ahamiyat bermay davom etdi:

— Kelasi oy Hindistonga katta bir tijorat karvoni jo‘nataman. Bu tijoratdan katta foyda kutyapman.

Darvesh yana:

— Agar Ahmad chaqirmasa, dedi.

Boy ortiq chidolmadi, jahli chiqib:

— Afandi, agar Ahmad seni chaqirmasa deb turibsiz, kim o‘zi bu Ahmad?, — dedi.

Darvesh xotirjamlik bilan:

— Qoracha Ahmad qabristoni, deb javob berdi.

Turkchadan Maryam Osiyo tarjimasi

Мулоҳаза қўшиш


Ҳимоя коди
Янгилаш