Бўйсунмас пашша

Кунларнинг бирида халифа Ҳорун ар-Рашид Баҳлул Донога шундай деди: 

— Агар менинг саволимга тўғри жавоб берсанг, минг олтин динор бераман, агар хато қуилгудек бўлсанг, соқол ва мўйловингни қирдириб, эшакка ўтказиб бозор ва кўчаларда ҳаммага сазойи қиламан.

— Менга ҳеч қандай бойлик ёки олтин динор керак эмас. Аммо мен саволингизга тўғри жавоб берсам, сиз пашшаларга бизни энди безовта қилмаслигини буюра оласизми?

Ҳорун ар-Рашид бироз ўйланиб қолди ва жавоб қайтарди:

— Пашшаларни назорат қилишнинг умуман иложи йўқ-ку.

Шунда Баҳлул деди:

— Пашшадек кичкина мавжудотга ҳам гапи ўтмайдиган инсондан яна нимани кутиш мумкин?!

Аҳмад Шарифнинг “Доно Баҳлул ҳақида ибратли ҳикоялар” китобидан

Диёр Шомирзаев таржима қилди.

* * *

Kunlarning birida xalifa Horun ar- Rashid Bahlul Donoga shunday dedi: 

— Agar mening savolimga to‘g‘ri javob bersang, ming oltin dinor beraman, agar xato quilgudek bo‘lsang, soqol va mo‘ylovingni qirdirib, eshakka o‘tkazib bozor va ko‘chalarda hammaga sazoyi qilaman.

— Menga hech qanday boylik yoki oltin dinor kerak emas. Ammo men savolingizga to‘g‘ri javob bersam, siz pashshalarga bizni endi bezovta qilmasligini buyura olasizmi?

Horun ar-Rashid biroz o‘ylanib qoldi va javob qaytardi:

— Pashshalarni nazorat qilishning umuman iloji yo‘q-ku.

Shunda Bahlul dedi:

— Pashshadek kichkina mavjudotga ham gapi o‘tmaydigan insondan yana nimani kutish mumkin?!

Ahmad Sharifning “Dono Bahlul haqida ibratli hikoyalar” kitobidan

Diyor Shomirzaev tarjima qildi

• Олдинги
• Кейинги