Ҳаёт ҳақида 20 ҳикмат

Рукн: Ибрат Чоп этилган: 25.04.2016

1. Кўнглингда бўлмаганини бурнинг тагида турса ҳам кўролмайсан! Қаҳрамон Тозаўғли.

2. Албатта аҳмоқлик, телбаликдан кўра яхшироқдир. Чунки аҳмоқлик бор бўлган фаросатнинг йўқ бўлишидир. Телбалик эса, йўқ бўлган фаросатнинг давомийлигидир. Альберт Эйнштейн.

3. Қушдек осмонда учишни ўргандик. Балиқдек сувда сузишни ҳам ўргандик. Энди эса ер юзида одамдек яшашимиз қолди. Бернард Шоу.

4. Агар олимларнинг ишларига жоҳиллар аралашишса – аҳмоқлар сони ортади. Араб мақоли.

5. Юклсалганингда дўстларинг сени ким эканлигингни биладилар, йиқилганингда эса сен уларни! Муаллифи номаълум.

6. Баъзи инсонлар тарихга ўхшайдилар. На такрорланадилар ва на унутиладилар. Муаллифи номаълум.

7. Ишонч кўз ёшларга ўхшайди, кўздан оқдими, асло қайтмайди. Муаллифи номаълум.

8. Нафас олиб уни чиқарганинга шукр қил. Шукр қилганинга ҳам шукр қил. Муаллифи номаълум.

9. Фақирнинг олдида бойлигинг, мол-мулкларинг ҳақида гапирма.  Беморнинг олдида соғлигинг ҳақида гапирма. Заифнинг олдида куч-қувватинг ҳақида гапирма. Бахтсизнинг олдида бахт-саодатинг ҳақида гапирма. Маҳбуснинг олдида ҳурриятинг ҳақида гапирма. Пуштсизнинг олдида болаларинг ҳақида гапирма. Етимнинг олдида отанг ҳақида гапирма. Муаллифи номаълум.

10. Аллоҳ ҳикмати билан бир эшикни ёпса, раҳмати билан бошқасини очади. Саъдий Шерозий.

11. Сабр – бўйин эгиш эмас, курашиш демакдир. Умар розияллоҳу анҳу.

12. Омаднинг сири — Пайғамбарга эргашишдир. Фотиҳ Султон Муҳаммад

13. Миш-миш – нафратланганлар томонидан ўйлаб топилади. Нодонлар томонидан ейилади. Аҳмоқлар томонидан ишонилади.  Муаллифи номаълум.

14. Ҳаётда ҳар нима бўлишинг мумкин, муҳими «инсон» бўла олишдир. Шамс Тебризий.

15. Ҳаётда бўлишингиз мумкин бўлган энг яхши ер бўлса, у ҳам бир дуонинг ичидир. Шамс Тебризий.

16. Икки тур инсон бор: Бири вақт ўтиб хатолари билан юзлашган, бири юзсизлашган. Меҳмет Акиф Эрсой.

17. Одам боласининг одобдан насибаси бўлмаса, инсон ҳисобланмайди. Инсон билан ҳайвон орасини ажратадиган бу — одобдир. Шамс Тебризий.

18. Чиройли гулни, ёқимли кечани, яхши дўстни ҳар ким хоҳлайди. Муҳими гулни тикони билан, кечани зулмати билан, дўстни барча камчилиги билан сева билишдир. Шамс Тебризий.

19. Сени йўлда қолдирган — нафсингдир, йўлда қолган — нафсига эргашган. Юнус Эмро.

20. Қизариш билмаган чеҳранг қандай ҳам ибратдир. Қўй таҳсилни, бор олдин одоб билан ҳаё ўрган. Меҳмет Акиф Эрсой

Таржимон: Абдуллоҳ Раҳимбоев

* * *

1. Ko‘nglingda bo‘lmaganini burning tagida tursa ham ko‘rolmaysan! Qahramon Tozao‘g‘li.

2. Albatta ahmoqlik, telbalikdan ko‘ra yaxshiroqdir. Chunki ahmoqlik bor bo‘lgan farosatning yo‘q bo‘lishidir. Telbalik esa, yo‘q bo‘lgan farosatning davomiyligidir. Albert Eynshteyn.

3. Qushdek osmonda uchishni o‘rgandik. Baliqdek suvda suzishni ham o‘rgandik. Endi esa yer yuzida odamdek yashashimiz qoldi. Bernard Shou.

4. Agar olimlarning ishlariga johillar aralashishsa – ahmoqlar soni ortadi. Arab maqoli.

5. Yuklsalganingda do‘stlaring seni kim ekanligingni biladilar, yiqilganingda esa sen ularni! Muallifi noma’lum.

6. Ba’zi insonlar tarixga o‘xshaydilar. Na takrorlanadilar va na unutiladilar. Muallifi noma’lum.

7. Ishonch ko‘z yoshlarga o‘xshaydi, ko‘zdan oqdimi, aslo qaytmaydi. Muallifi noma’lum.

8. Nafas olib uni chiqarganinga shukr qil. Shukr qilganinga ham shukr qil. Muallifi noma’lum.

9. Faqirning oldida boyliging, mol-mulklaring haqida gapirma.  Bemorning oldida sog‘liging haqida gapirma. Zaifning oldida kuch-quvvating haqida gapirma. Baxtsizning oldida baxt-saodating haqida gapirma. Mahbusning oldida hurriyating haqida gapirma. Pushtsizning oldida bolalaring haqida gapirma. Yetimning oldida otang haqida gapirma. Muallifi noma’lum.

10. Alloh hikmati bilan bir eshikni yopsa, rahmati bilan boshqasini ochadi. Sa’diy Sheroziy.

11. Sabr – bo‘yin egish emas, kurashish demakdir. Umar roziyallohu anhu.

12. Omadning siri — Payg‘ambarga ergashishdir. Fotih Sulton Muhammad

13. Mish-mish – nafratlanganlar tomonidan o‘ylab topiladi. Nodonlar tomonidan yeyiladi. Ahmoqlar tomonidan ishoniladi.  Muallifi noma’lum.

14. Hayotda har nima bo‘lishing mumkin, muhimi «inson» bo‘la olishdir. Shams Tebriziy.

15. Hayotda bo‘lishingiz mumkin bo‘lgan eng yaxshi yer bo‘lsa, u ham bir duoning ichidir. Shams Tebriziy.

16. Ikki tur inson bor: Biri vaqt o‘tib xatolari bilan yuzlashgan, biri yuzsizlashgan. Mehmet Akif Ersoy.

17. Odam bolasining odobdan nasibasi bo‘lmasa, inson hisoblanmaydi. Inson bilan hayvon orasini ajratadigan bu — odobdir. Shams Tebriziy.

18. Chiroyli gulni, yoqimli kechani, yaxshi do‘stni har kim xohlaydi. Muhimi gulni tikoni bilan, kechani zulmati bilan, do‘stni barcha kamchiligi bilan seva bilishdir. Shams Tebriziy.

19. Seni yo‘lda qoldirgan — nafsingdir, yo‘lda qolgan — nafsiga ergashgan. Yunus Emro.

20. Qizarish bilmagan chehrang qanday ham ibratdir. Qo‘y tahsilni, bor oldin odob bilan hayo o‘rgan. Mehmet Akif Ersoy

Tarjimon: Abdulloh Rahimboyev