“Айбсиз дўст излаган дўстсиз қолар”

Инсоннинг 3 хил дўсти бўлади: шахсан ўзининг дўсти, дўстининг дўсти, душманининг душмани. Али ибн Абу Толиб (р.а.)

Дўст кўнглини оғритиш, душман орзусига хизмат қилишдир. Али ибн Абу Толиб (р.а.)

Дўстлар суҳбатидан гўзал одат йўқ, улардан айрилишдан кўра кўпроқ ғам йўқ.  Имом Шофеий

Замонамиз инсонларининг дўстлиги бозордаги таомга ўхшайди, ранги ва кўриниши гўзал, лекин таъми йўқ. Молик ибн Динор

Ҳолатингни 2 кишидан яширма: мутахассис ҳаким (шифокор)дан ва ҳақиқий дўстдан. Фаридиддин Аттор

Айбсиз дўст излаган дўстсиз қолар. Жалолиддин Румий

Дининг ривожи учун ёрдам берган дўст ҳар кўришганда кафтинга бир олтин қўйган дўстдан яхшидир. Билол ибн Саъд

Дўстлашиш яхши бир ишдир, шу дўстликка содиқ қолиш эса буюк ишдир. Носир Хусрав

Гулсиз гулзорнинг завқи бўлмаганидай, дўстсиз ҳаётнинг ҳам завқи йўқдир. Носир Хусрав

Динини тузатган кишининг дунёсини Аллоҳ тузатар. Али ибн Абу Толиб (р.а.)

Дунё сизни алдаб қўймасин! Буни ким айтяпти? Жаноби Ҳақ айтяпти. Дунёни уни яратган Зотдан кўра яхши билгувчи борми? У ҳолда дунёдан сақланинг. Ҳасан Басрий

Одамнинг жони дунёдан 3 ҳасрат билан чиқади: тўплаганига тўёлмай, амалига етолмай, сафарига етарли озуқа ололмай. Ҳасан Басрий

Севгилинг севмаганини севмоқ — севги аломати эмас. Роббимиз дунёни севмайди, биз эса уни севиш билан овворамиз. Иброҳим Адҳам

Бадан хасталанса, емоқ, ичмоқ, уйқудан завқ олмайди. Қалб ҳам дунё касалига чалинганда ваъз, насиҳатлардан завқ олмайди. Молик ибн Динор

Дунёнинг оз нарсасини исташ охиратнинг кўп нарсасини йўқотишдир. Каъб ал-Қурозий

Дунё, ичидагиларни боқади, ўстиради, кейин уларни ўзи ейди. Аҳмад Руфоий

Ақлсизлик аломати 4 та: ахмоқ билан фикр алмашиш, жоҳилга пул бериш, дўстлар насиҳатини тингламаслик, дунёдан ибрат олмаслик. Фаридиддин Аттор

Қариндошнинг душманлиги, дўстнинг азияти — илон заҳридан ҳам ёмонроқдир. Али ибн Абу Толиб (р.а.)

Ақлли душман, ақлсиз дўстдан яхшидир. Али ибн Абу Толиб (р.а.)

Ақлли душман билан кенгашиш мумкин, лекин жоҳил дўстнинг маслаҳатидан қочиш керак. Али ибн Абу Толиб (р.а.)

Икки душман орасида шундай гапиргинки, ярашиб олишганида уялиб қолма. Саъдий Шерозий

Инсон айбини санаган душмандан келадиган фойда ўзини мақтаган дўстнинг фойдасидан кўпроқдир. Имом Ғаззолий

Душманинг сендан хавфсирамай қўймагунича, комил инсон бўлолмайсан. Бишр Хофий

Қанчалар ночор ва оч бўлмасин, қаноат соҳиби — энг бадавлат инсондир. Али ибн Абу Толиб (р.а.)

Ризқинг қаерда бўлса ҳам унга етасан, ғам чекма. Қул қаноат қилганда ҳурдир. Очкўзлик қилганда эса қулдир. Қалбингдан таъмани чиқариб ташласанг, қўлингдаги занжирлар ечилар. Аҳмад Руфоий

Очкўзлик, ҳирсни сотиб, пулига қаноат сотиб олган киши, иззат ва шарафга етишади. Абу Бакр Қаттоний

Қаноат қилиб биров ўлмади, ҳирсдан ҳеч ким бойимади. Жалолиддин Румий

3 хислат авлиёлар сифатидир: Аллоҳга таваккул қилиш, Аллоҳдан бошқасидан ҳеч нарса кутмаслик, қаноатли бўлиш. Яҳё ибн Муоз

Аллоҳ 5 нарсани 5 ерга жойлаган: иззатни — ибодат ва итоатга, хўрликни — гуноҳга, ҳайбатни — тунда уйғониш (тоат) га, ҳикматни — бўш қоринга, бойликни — қаноатга. Қушайрий

Туркчадан Марям Осиё таржимаси

* * *

Insonning 3 xil do‘sti bo‘ladi: shaxsan o‘zining do‘sti, do‘stining do‘sti, dushmanining dushmani. Ali ibn Abu Tolib (r.a.)

Do‘st ko‘nglini og‘ritish, dushman orzusiga xizmat qilishdir. Ali ibn Abu Tolib (r.a.)

Do‘stlar suhbatidan go‘zal odat yo‘q, ulardan ayrilishdan ko‘ra ko‘proq g‘am yo‘q.  Imom Shofeiy

Zamonamiz insonlarining do‘stligi bozordagi taomga o‘xshaydi, rangi va ko‘rinishi go‘zal, lekin ta’mi yo‘q. Molik ibn Dinor

Holatingni 2 kishidan yashirma: mutaxassis hakim (shifokor)dan va haqiqiy do‘stdan. Farididdin Attor

Aybsiz do‘st izlagan do‘stsiz qolar. Jaloliddin Rumiy

Dining rivoji uchun yordam bergan do‘st har ko‘rishganda kaftinga bir oltin qo‘ygan do‘stdan yaxshidir. Bilol ibn Sa’d

Do‘stlashish yaxshi bir ishdir, shu do‘stlikka sodiq qolish esa buyuk ishdir. Nosir Xusrav

Gulsiz gulzorning zavqi bo‘lmaganiday, do‘stsiz hayotning ham zavqi yo‘qdir. Nosir Xusrav

Dinini tuzatgan kishining dunyosini Alloh tuzatar. Ali ibn Abu Tolib (r.a.)

Dunyo sizni aldab qo‘ymasin! Buni kim aytyapti? Janobi Haq aytyapti. Dunyoni uni yaratgan Zotdan ko‘ra yaxshi bilguvchi bormi? U holda dunyodan saqlaning. Hasan Basriy

Odamning joni dunyodan 3 hasrat bilan chiqadi: to‘plaganiga to‘yolmay, amaliga yetolmay, safariga yetarli ozuqa ololmay. Hasan Basriy

Sevgiling sevmaganini sevmoq — sevgi alomati emas. Robbimiz dunyoni sevmaydi, biz esa uni sevish bilan ovvoramiz. Ibrohim Adham

Badan xastalansa, yemoq, ichmoq, uyqudan zavq olmaydi. Qalb ham dunyo kasaliga chalinganda va’z, nasihatlardan zavq olmaydi. Molik ibn Dinor

Dunyoning oz narsasini istash oxiratning ko‘p narsasini yo‘qotishdir. Ka’b al-Quroziy

Dunyo, ichidagilarni boqadi, o‘stiradi, keyin ularni o‘zi yeydi. Ahmad Rufoiy

Aqlsizlik alomati 4 ta: axmoq bilan fikr almashish, johilga pul berish, do‘stlar nasihatini tinglamaslik, dunyodan ibrat olmaslik. Farididdin Attor

Qarindoshning dushmanligi, do‘stning aziyati — ilon zahridan ham yomonroqdir. Ali ibn Abu Tolib (r.a.)

Aqlli dushman, aqlsiz do‘stdan yaxshidir. Ali ibn Abu Tolib (r.a.)

Aqlli dushman bilan kengashish mumkin, lekin johil do‘stning maslahatidan qochish kerak. Ali ibn Abu Tolib (r.a.)

Ikki dushman orasida shunday gapirginki, yarashib olishganida uyalib qolma. Sa’diy Sheroziy

Inson aybini sanagan dushmandan keladigan foyda o‘zini maqtagan do‘stning foydasidan ko‘proqdir. Imom G‘azzoliy

Dushmaning sendan xavfsiramay qo‘ymagunicha, komil inson bo‘lolmaysan. Bishr Xofiy

Qanchalar nochor va och bo‘lmasin, qanoat sohibi — eng badavlat insondir. Ali ibn Abu Tolib (r.a.)

Rizqing qaerda bo‘lsa ham unga yetasan, g‘am chekma. Qul qanoat qilganda hurdir. Ochko‘zlik qilganda esa quldir. Qalbingdan ta’mani chiqarib tashlasang, qo‘lingdagi zanjirlar yechilar. Ahmad Rufoiy

Ochko‘zlik, hirsni sotib, puliga qanoat sotib olgan kishi, izzat va sharafga yetishadi. Abu Bakr Qattoniy

Qanoat qilib birov o‘lmadi, hirsdan hech kim boyimadi. Jaloliddin Rumiy

3 xislat avliyolar sifatidir: Allohga tavakkul qilish, Allohdan boshqasidan hech narsa kutmaslik, qanoatli bo‘lish. Yahyo ibn Muoz

Alloh 5 narsani 5 yerga joylagan: izzatni — ibodat va itoatga, xo‘rlikni — gunohga, haybatni — tunda uyg‘onish (toat) ga, hikmatni — bo‘sh qoringa, boylikni — qanoatga. Qushayriy

Turkchadan Maryam Osiyo tarjimasi

• Олдинги
• Кейинги