Ислом буюкларидан ибратли ҳикматлар

Рукн: Ибрат Чоп этилган: 14.04.2016

“Кўп ибодат қиламан деб мағрурланмагин. Иблиснинг минг йиллаб қилган ибодати нима бўлганини кўриб фикр қилгин.”
Ҳасан ал-Басрий

“Тавозеълик – бу ҳақиқатни гарчи ёш боладан, ўқимаган ёки жоҳил одамдан эшитганда ҳам уни қабул қилишдир”.
Фузайл ибн Иёз

“Барака шукроналикка боғлиқ, шукроналик янада кўпроқ барака олиб келади. У иккиси ўзаро бир-бирига боғлангандир”.
Али ибн Абу Толиб

“Аллоҳ сен яхши кўрган нарсаларни мунтазам бериб туришини орзу қилсанг, сен ҳам Унга мақбул бўладиган амалларни мунтазам қилиб юргин”.
Аҳмад ибн Ҳанбал

“Бир инсон илм ўрганмоқни истаса у уч босқични босиб ўтади:
1. Кеккайиб кетади;
2. Камтар бўлиб қолади;
3. Ҳеч нарса билмаслигини тушуниб етади.”
Суфён Саврий

“Баъзан ўтмиши энг ёмон бўлган одамлар ўзларига энг яхши келажакни яратадилар”.
Умар ибн Хаттоб

“Аллоҳни йўқотган одам нимани топади?! Аксинча, Аллоҳни топган одам нимани йўқотади?”
Ибн Атоуллоҳ Искандарий

“Банданинг Аллоҳ берган инъомига ҳақиқий шукроналик қилиши - унинг Ўзига осийлик қилмасликдадир”.
7 ёш вақтларида Жунайд Бағдодийнинг айтган гаплари

“Агар инсон етарлича доно бўлса, ўзининг қилган гуноҳларини ўйлаши бошқа одамлар қилган гуноҳ ишларни кўришдан диққатини чалғитади”.
Имом Шофеий

Ўзгаларнинг дард-аламини ўзига олиб уни енгиллатиш бу мурувватнинг энг олий моҳиятидир”.
Абу Бакр Сиддиқ

“Севгингга эришмоғинг учун аввал ёмон кўрган нарсангга сабр қилишни ўрганишинг зарур.”
Имом Ғаззолий

“Кимдир менга ғазаб қилиб хафа қилса, Аллоҳ уни менга итоаткорликни ўргатиш учун юборибди деб ўйлайман”.
Ибн Қайюм

“Орамиздаги энг кўп гуноҳи борлар бошқаларнинг гуноҳларини гапириб вақтини ўтказадиганлардир”.
Ибн Сирин

“Ҳаётингнинг мақсади бўлсин, унга етишиш учун бутун имкониятингдан фойдалангин, албатта муваффақиятга эришасан”.
Усмон ибн Аффон

“Мўминнинг энг яхши хислати — унинг кечиримли эканлигидир”.
Ҳасан Басрий

“Ҳар қандай миқдордаги гуноҳ ўтмишни ўзгартира олмаганидек, ҳар қандай тараддуд ҳам келажакни ўзгартира олмайди”.
Умар ибн Хаттоб

“Қандай қилиб беҳуда орзу-ҳавасларга боғланган кўнгил Аллоҳнинг ҳузурига сафар қилсин?! Қандай қилиб касофат ғафлатидан покланмай вужуди илоҳийга муштоқ бўлсин?! Қандай қилиб қилган гуноҳларига иқрор бўлмай нозик сирларни тушунишга умид қилсин?!”
Ибн Атоуллоҳ Искандарий

Инглиз тилидан Шерзод Тоғаев таржимаси

* * *

“Ko‘p ibodat qilaman deb mag‘rurlanmagin. Iblisning ming yillab qilgan ibodati nima bo‘lganini ko‘rib fikr qilgin.”
Hasan al-Basriy

“Tavoze’lik – bu haqiqatni garchi yosh boladan, o‘qimagan yoki johil odamdan eshitganda ham uni qabul qilishdir”.
Fuzayl ibn Iyoz

“Baraka shukronalikka bog‘liq, shukronalik yanada ko‘proq baraka olib keladi. U ikkisi o‘zaro bir-biriga bog‘langandir”.
Ali ibn Abu Tolib

“Alloh sen yaxshi ko‘rgan narsalarni muntazam berib turishini orzu qilsang, sen ham Unga maqbul bo‘ladigan amallarni muntazam qilib yurgin”.
Ahmad ibn Hanbal

“Bir inson ilm o‘rganmoqni istasa u uch bosqichni bosib o‘tadi:
1. Kekkayib ketadi;
2. Kamtar bo‘lib qoladi;
3. Hech narsa bilmasligini tushunib yetadi.”
Sufyon Savriy

“Ba’zan o‘tmishi eng yomon bo‘lgan odamlar o‘zlariga eng yaxshi kelajakni yaratadilar”.
Umar ibn Xattob

“Allohni yo‘qotgan odam nimani topadi?! Aksincha, Allohni topgan odam nimani yo‘qotadi?”
Ibn Atoulloh Iskandariy

“Bandaning Alloh bergan in’omiga haqiqiy shukronalik qilishi - uning O‘ziga osiylik qilmaslikdadir”.
7 yosh vaqtlarida Junayd Bag‘dodiyning aytgan gaplari

“Agar inson yetarlicha dono bo‘lsa, o‘zining qilgan gunohlarini o‘ylashi boshqa odamlar qilgan gunoh ishlarni ko‘rishdan diqqatini chalg‘itadi”.
Imom Shofeiy

O‘zgalarning dard-alamini o‘ziga olib uni yengillatish bu muruvvatning eng oliy mohiyatidir”.
Abu Bakr Siddiq

“Sevgingga erishmog‘ing uchun avval yomon ko‘rgan narsangga sabr qilishni o‘rganishing zarur.”
Imom G‘azzoliy

“Kimdir menga g‘azab qilib xafa qilsa, Alloh uni menga itoatkorlikni o‘rgatish uchun yuboribdi deb o‘ylayman”.
Ibn Qayyum

“Oramizdagi eng ko‘p gunohi borlar boshqalarning gunohlarini gapirib vaqtini o‘tkazadiganlardir”.
Ibn Sirin

“Hayotingning maqsadi bo‘lsin, unga yetishish uchun butun imkoniyatingdan foydalangin, albatta muvaffaqiyatga erishasan”.
Usmon ibn Affon

“Mo‘minning eng yaxshi xislati — uning kechirimli ekanligidir”.
Hasan Basriy

“Har qanday miqdordagi gunoh o‘tmishni o‘zgartira olmaganidek, har qanday taraddud ham kelajakni o‘zgartira olmaydi”.
Umar ibn Xattob

“Qanday qilib behuda orzu-havaslarga bog‘langan ko‘ngil Allohning huzuriga safar qilsin?! Qanday qilib kasofat g‘aflatidan poklanmay vujudi ilohiyga mushtoq bo‘lsin?! Qanday qilib qilgan gunohlariga iqror bo‘lmay nozik sirlarni tushunishga umid qilsin?!”
Ibn Atoulloh Iskandariy