Мавлоно Жалолиддин Муҳаммад Румий ҳикматларидан
• Йўқотган нарсангга ачинмагин, йўқотганинг бошқа бир шаклда қайтиб келади.
• Сенинг жароҳатинг бу — Нур кириб келадиган йўл бўлади.
• Ҳар бир ишқаланишдан таъсирланаверсанг, қалб ойнанг қандай қилиб сайқал топсин?
• Кеча ақлли эдим, дунёни ўзгартирмоқчи бўлдим. Бугун дономан, ўзимни ўзгартираяпман.
• Овозингни эмас, сўзингни баланд қил. У момақалдироқ бўлмай ёмғир каби гулларни ундиради.
• Ҳар неки бўлса шукр қил, бунинг ортида сенга ҳидоят бордир.
• Қаерда хароба бўлса, хазина топилишига ҳам умид бўлади.
• Ранж-алам тортиш ҳадядир. Унда яширин марҳамат бордир.
• Аллоҳни излаб ўзимни топдим, Ўзимни қидириб Аллоҳни топдим.
• Муҳаббат - бу Аллоҳнинг ниҳоясиз уммонидир.
• Ўқиб ўрганасан, севиб тушунасан.
• Чироқлар хилма-хилдир, лекин Нур бир хилдир.
• Сув ташналикни қондирганидек ҳақиқат қалбни юксалтиради.
• Ўз худбинлигингни енга олсанггина тунинг кунга айланади.
• Қалбингда Нур (Аллоҳ) бўлса уйга (жаннат) олиб борадиган йўлни топасан.
• Ибодатхона ва масжидлардан изладим. Илоҳий нурни қалбим ичра топдим.
Инглиз тилидан Шерзод Тоғаев таржимаси
* * *
• Yo‘qotgan narsangga achinmagin, yo‘qotganing boshqa bir shaklda qaytib keladi.
• Sening jarohating bu — Nur kirib keladigan yo‘l bo‘ladi.
• Har bir ishqalanishdan ta’sirlanaversang, qalb oynang qanday qilib sayqal topsin?
• Kecha aqlli edim, dunyoni o‘zgartirmoqchi bo‘ldim. Bugun donoman, o‘zimni o‘zgartirayapman.
• Ovozingni emas, so‘zingni baland qil. U momaqaldiroq bo‘lmay yomg‘ir kabi gullarni undiradi.
• Har neki bo‘lsa shukr qil, buning ortida senga hidoyat bordir.
• Qaerda xaroba bo‘lsa, xazina topilishiga ham umid bo‘ladi.
• Ranj-alam tortish hadyadir. Unda yashirin marhamat bordir.
• Allohni izlab o‘zimni topdim, O‘zimni qidirib Allohni topdim.
• Muhabbat - bu Allohning nihoyasiz ummonidir.
• O‘qib o‘rganasan, sevib tushunasan.
• Chiroqlar xilma-xildir, lekin Nur bir xildir.
• Suv tashnalikni qondirganidek haqiqat qalbni yuksaltiradi.
• O‘z xudbinligingni yenga olsanggina tuning kunga aylanadi.
• Qalbingda Nur (Alloh) bo‘lsa uyga (jannat) olib boradigan yo‘lni topasan.
• Ibodatxona va masjidlardan izladim. Ilohiy nurni qalbim ichra topdim.
Ingliz tilidan Sherzod Tog‘ayev tarjimasi